ডিজিটেল ডেস্ক: ভাৰত জোড়ো ন্যায় যাত্ৰাৰ প্ৰচাৰৰ বাবে মুখ্যমন্ত্ৰী হিমন্ত বিশ্ব শৰ্মাক ধন্যবাদ জ্ঞাপন কৰিছে জ্যেষ্ঠ কংগ্ৰেছ নেতা জয়ৰাম ৰমেশে৷
বুধবাৰে জয়ৰাম ৰমেশে অসমৰ মুখ্যমন্ত্ৰীগৰাকীক তেওঁৰ বক্তব্য, টুইট আৰু ভাবুকিৰ জৰিয়তে ভাৰত জোড়ো ন্যায় যাত্ৰাৰ সম্পূৰ্ণ প্ৰচাৰ কৰাৰ বাবে ধন্যবাদ জ্ঞাপন কৰে। কংগ্ৰেছৰ সাধাৰণ সম্পাদকগৰাকীয়ে কয়, মই তেওঁক ধন্যবাদ জনাইছোঁ যে তেওঁ আমাৰ যাত্ৰা সফল কৰিবলৈ যথেষ্ট প্ৰচেষ্টা চলাইছে।
মঙলবাৰে কংগ্ৰেছ কৰ্মীসকলৰ সৈতে আৰক্ষীৰ সংঘৰ্ষ সৃষ্টি হোৱাৰ পাছত মুখ্যমন্ত্ৰী শৰ্মাই অসম আৰক্ষীক কংগ্ৰেছ নেতা কেচি বেণুগোপাল আৰু কানহায়া কুমাৰৰ সৈতে ৰাহুল গান্ধীৰ বিৰুদ্ধে গোচৰ ৰুজু কৰিবলৈ নিৰ্দেশ দিয়াৰ এদিন পাছতে কংগ্ৰেছ নেতা জয়ৰাম ৰমেশে কৰিছে এই মন্তব্য।
মণিপুৰৰ পৰা ১৪ জানুৱাৰীত আৰম্ভ হোৱা ৰাহুল গান্ধী নেতৃত্বাধীন ভাৰত জোডো ন্যায় যাত্ৰাই অসমত প্ৰৱেশ কৰাৰ লগে লগে কেইবাটাও পথত প্ৰতিৰোধৰ সন্মুখীন হৈছিল৷
জয়ৰাম ৰমেশে কৈছিল, প্ৰথম ভাৰত জোড়ো যাত্ৰাও বিজেপিশাসিত ৰাজ্যসমূহৰ মাজেৰে পাৰ হৈ যোৱাৰ সময়তো ইমান অসুবিধাৰ সন্মুখীন হোৱা নাছিল।
Continue Reading
