ডিজিটেল ডেস্কঃ ভাত খোৱাৰ ঠিক আগে আগে চাহ বা কফি খোৱাটো মুঠেও ভাল নহয়। এই অভ্যাসৰ বাবে শৰীৰৰ ক্ষতি হ’ব পাৰে। স্বাস্থ্য বিজ্ঞানীসকলৰ মতে ভাত খোৱাৰ ঠিক আগে আগে বা ঠিক পিছতে চাহ খোৱাটোৱে ৰক্তহীনতাৰ আশংকা বহু খিনি বঢ়াই তোলে। ৰক্তহীনতা এতিয়া সমগ্ৰ বিশ্বৰ বাবে এক গুৰুতৰ সমস্যা হৈ থিয় দিছে। বিশেষকৈ মহিলা আৰু শিশুসকলক বেছিকৈ ৰক্তহীনতাৰ চিকাৰ হৈছে। শেহতীয়া এক সমীক্ষা অনুসৰি বিশ্বৰ মুঠ জনসংখ্যাৰ এক-চতুৰ্থাংশ লোক ৰক্তহীনতাত আক্ৰান্ত হৈছে।
আক্ৰান্তসকলৰ ভিতৰত মহিলা, গৰ্ভৱতী মাতৃ, যুৱতী আৰু ৫ বছৰতকৈ কম বয়সৰ শিশুৱেই বেছি। দ্য লেঞ্চেট হেমাটোলজীত প্ৰকাশিতসমীক্ষা অনুসৰি অনুসৰি ২০২১ চনত, বিশ্বব্যাপী ১.৯২ বিলিয়ন লোক ৰক্তহীনতাৰ চিকাৰ হৈছে। ১৯৯০চনৰ পৰা ৪২০ নিযুত ৰোগী বৃদ্ধি পাইছে। ২০২১ চনত, উপ- চাহাৰা, আফ্ৰিকা আৰু দক্ষিণ এছিয়াত আটাইতকৈ বেছি ৰক্তহীনতাৰ ঘটনা পোহৰলৈ আহিছে।
মহিলা আৰু ৫ বছৰতকৈ কম বয়সৰ শিশুৰ মাজত ৰক্তহীনতা বৃদ্ধি পাইছে। বিশ্বব্যাপী, ২০২১ চনত ১৭.৫ শতাংশ পুৰুষৰ তুলনাত৩১.২ শতাংশ মহিলা ৰক্তহীনতাৰ চিকাৰ হৈছে।
শৰীৰত লোৰ পৰিমাণ বঢ়াবৰ বাবে ভিটামিন-চিযুক্ত খাদ্য যেনে আমলখি, মধুৰী, নেমুটেঙা, গজালি ওলোৱা বুট, মগুমাহ আদি প্ৰচুৰ খাব লাগে।
একেদৰে ফলিক এচিদ থকা খাদ্য যেনে পালেং শাক, খুতুৰা শাক, মাহজাতীয় খাদ্য , তিল, আটা, আদিখোৱা ভাল।
বহু আহাৰে শৰীৰত লো গ্ৰহণত বাধা দিয়ে । উদাহৰণ স্বৰূপে চাহত থকা “টেনিনে” শৰীৰে লো গ্ৰহণত বাধা দিয়ে। সেয়ে ভাত খোৱাৰ এঘণ্টাৰ আগত বা পাছত চাহ খালে লো গ্ৰহণত বাধা আহি পৰিব পাৰে।
Continue Reading
