ডিজিটেল ডেস্কঃ সাধাৰণতে দেশপ্ৰেমৰ বাবেই তেওঁ বাতৰিৰ শিৰোনাম দখল কৰে। কিন্তু এইবাৰ বিপৰীত কাৰণত অক্ষয় কুমাৰে বাতৰিৰ শিৰোনামত আহিছে। দেশৰ মানচিত্ৰৰ ওপৰেৰে খোজ কাঢ়িল অক্ষয়। তাৰপাছতে ছ’চিয়েল মিডিয়াত ইটোৰ পিছত সিটো কটুক্তি বলি হৈছে বলীউডৰ তাৰকাগৰাকী।
এটা বিমান সংস্থাৰ নতুন বিজ্ঞাপনত অভিনয় কৰিছে অক্ষয় কুমাৰে। দিশা পাটানি, নোৰা ফাতেহী, মৌনি ৰায়েও একেটা বিজ্ঞাপনত অভিনয় কৰিছে। বিজ্ঞাপনটোত তেওঁলোকক এটা প্ৰতীকী গ্ল’বত খোজ কাঢ়ি থকা দেখা গৈছে। ভাৰতৰ মানচিত্ৰৰ ওপৰতো খোজ কঢ়া দেখা গৈছে অক্ষয়ক।
সেই বিজ্ঞাপনৰ ভিডিঅ’টো অক্ষয়ে ছ’চিয়েল মিডিয়াত শ্বেয়াৰ কৰিছিল। ভিডিঅ’টো পোষ্ট কৰাৰ কিছু মুহূৰ্তৰ ভিতৰতে ক্ৰোধৰ সন্মুখীন হ’ল অক্ষয়।
ভাৰতৰ মানচিত্ৰৰ ওপৰেৰে খোজ কাঢ়ি তেওঁ দেশক অপমান কৰিছে- তেওঁলোকে এই অভিযোগ কৰে। অক্ষয়ক 'কানাডাৰ নাগৰিক’ বুলিও তেওঁলোকে কটাক্ষ কৰে। তেওঁলোকৰ বক্তব্য- কানাডাৰ নাগৰিক হোৱাৰ বাবেই অভিনেতাজনে নাজানে ভাৰত মাতৃক কেনেকৈ সন্মান কৰিব লাগে!
Continue Reading
