ডিজিটেল ডেস্কঃ কাইলৈ ভাৰতীয় দলৰ সন্মুখত অৱতীৰ্ণ হ’ব চিৰবৈৰী পাকিস্তান। পাল্লেকেলে ষ্টেডিয়ামত অনুষ্ঠিত হ’ব ভাৰত আৰু পাকিস্তানৰ মাজত খেলখন। একে সময়তে ভাৰতীয় সময় অনুসৰি বিয়লি ৩ বজাৰ পৰা এই খেলখন অনুষ্ঠিত হৈছে। ভাৰত-পাকিস্তানৰ খেলৰ পূৰ্বে ক্ৰিকেট অনুৰাগীৰ মাজত দেখা গৈছে আচৰিত ধৰণৰ উৎসাহ। অৱশ্যে ছচিয়েল মিডিয়াত এটা ভিডিঅ’ ক্ৰমান্বয়ে ভাইৰেল হৈ পৰিছে। ছ’চিয়েল মিডিয়াত ভাইৰেল হোৱা ভিডিঅ’টোত ভাৰতীয় খেলুৱৈ বিৰাট কোহলীৰ সৈতে দেখা গৈছে পাকিস্তানৰ বেগী বলাৰ হেৰিছ ৰাউফক।
ছ’চিয়েল মিডিয়াত ভাইৰেল হোৱা এই ভিডিঅ’টোত বিৰাট কোহলী আৰু হেৰিছ ৰাউফক লগ পোৱা দেখা গৈছে। এই সময়ত পাকিস্তানৰ বেগী বলাৰ হেৰিছ ৰাউফৰ লগতে ভাৰতীয় খেলুৱৈ বিৰাট কোহলীয়ে ইজনে সিজনক সাৱটি ধৰে।ছচিয়েল মিডিয়াত এই ভিডিঅ’টো ক্ৰমাৎ ভাইৰেল হৈ পৰিছে। ক্ৰিকেট অনুৰাগী দুয়োজন খেলুৱৈৰ এই শৈলীৰ প্ৰতি খুবেই আকৰ্ষিত। একে সময়তে ছ’চিয়েল মিডিয়া ব্যৱহাৰকাৰীসকলে অহৰহ মন্তব্য দি নিজৰ মতামত দি আহিছে।
উল্লেখ্য যে শনিবাৰৰ পৰা এছিয়া কাপৰ অভিযান আৰম্ভ কৰিব টিম ইণ্ডিয়াই। পাকিস্তানৰ প্ৰত্যাহ্বান হ’ব ৰোহিত শৰ্মা নেতৃত্বাধীন ভাৰতীয় দল। প্ৰথমখন খেলত পাকিস্তানে নেপালক ২৩৮ ৰানৰ বৃহৎ ব্যৱধানত পৰাস্ত কৰে। আচলতে ভাৰত আৰু পাকিস্তানৰ বাহিৰেও নেপাল গ্ৰুপ-এত আছে। আনহাতে শ্ৰীলংকা, আফগানিস্তান আৰু বাংলাদেশক গ্ৰুপ-বিত স্থান দিয়া হৈছে। এইদৰে ৬টা দলক ২টা গোটত ভাগ কৰা হৈছে।
Continue Reading
