ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে তেওঁৰ অষ্ট্ৰেলিয়া ভ্ৰমণ সামৰি দেশত ভৰি থোৱাৰ সময়তে দেশৰ পাঁচ খন ৰাজ্যৰ শিক্ষাৰ্থীৰ বাবে আহিছে এক দুঃসংবাদ। অষ্ট্ৰেলিয়াই শেহতীয়াকৈ ঘোষণা কৰিছে যে ভাৰতৰ পাঁচ খন ৰাজ্যৰ ছাত্ৰ-ছাত্ৰীক অষ্ট্ৰেলিয়াৰ বিশ্ববিদ্যালয়ত নাম ভৰ্তি কৰিবলৈ দিয়া নহ’ব।
অষ্ট্ৰেলিয়াই ভাৰতৰ পাঁচ খন খন ৰাজ্য - পঞ্জাৱ, হাৰিয়ানা, উত্তৰাখণ্ড, উত্তৰ প্ৰদেশ আৰু জম্মু-কাশ্মীৰৰ শিক্ষাৰ্থীসকলক দেশ খনৰ যিকোনো বিশ্ববিদ্যালয়ত নামভৰ্তি কৰিবলৈ দিবলৈ অস্বীকাৰ কৰিছে। অষ্ট্ৰেলিয়াৰ তৰফৰ পৰা কোৱা হৈছে যে ভাৰতৰ এই পাঁচ খন ৰাজ্যৰ শিক্ষাৰ্থীয়ে ষ্টুডেণ্ট ভিছালৈ অষ্টেৰিয়ালৈ আহে যদিও তেওঁলোকৰ প্ৰধান উদ্দেশ্য পিছে দেশ খনত চাকৰি কৰাহে।
সেয়ে সেই ৰাজ্য কেইখনৰ শিক্ষাৰ্থীক দেশ খনৰ কোনো বিশ্ববিদ্যালয়তে নামভৰ্তি কৰিবলৈ দিয়া নহ’ব বুলি সংবাদমাধ্যমৰ বাতৰিত প্ৰকাশ পাইছে। প্ৰধানমন্ত্ৰীয়ে চিডনীত ভাৰত-অষ্ট্ৰিয়াই সকলো দিশতে সহযোগিতাৰে আগবাঢ়িব বুলি কৰি অহা মন্তব্যৰ পিছতে অষ্ট্ৰেলিয়া চৰকাৰৰ এনে সিদ্ধান্তই এতিয়া ভাৰতত বিৰূপ প্ৰতিক্ৰিয়াৰ সৃষ্টি কৰিছে।
চিডনীত প্ৰধানমন্ত্ৰী মোদীয়ে কৈছিল যে ভাৰত আৰু অষ্ট্ৰেলিয়াৰ মাজত সুন্দৰ দ্বিপাক্ষিক সম্পৰ্কৰ আঁৰত বিদেশী ভাৰতীয়সকলৰ ভূমিকা যথেষ্ট। তেওঁলোকে দুয়োখন দেশৰ মাজত দলং হিচাপে কাম কৰে। মোদীয়ে কৈছিল যে দুয়োখন দেশৰ বাৰ্ষিক সন্মিলন, অৰ্থনৈতিক সহযোগিতা আৰু বাণিজ্য চুক্তি, ব্যাপক কৌশলগত অংশীদাৰিত্ব.আদি বিষয়বোৰ অতি গুৰুত্বপূৰ্ণ হিচাবে বিবেচিত হৈছে।
Continue Reading
