ভাৰতৰ প্ৰথমগৰাকী মহিলা ফ্ৰণ্টলাইন যুঁজাৰু গোটৰ বিষয়া

ডিজিটেল ডেস্ক : আন্তঃৰাষ্ট্ৰীয় নাৰী দিৱসৰ ঠিক এদিন আগতে অৰ্থাৎ ৭ তাৰিখে ভাৰতে ফ্ৰণ্টলাইন যুঁজাৰু গোটৰ কমাণ্ড কৰা প্ৰথমগৰাকী মহিলা বায়ু সেনা বিষয়া লাভ কৰে।ভাৰতীয় বায়ু সেনাৰ জ্যেষ্ঠ বিষয়াসকলৰ মতে এয়া এক অতি বিৰল উদাহৰণ, য’ত এখন দেশৰ বায়ু সেনাই এগৰাকী মহিলা বিষয়াক ফ্ৰণ্টলাইন যুঁজাৰু গোটৰ কমাণ্ড প্ৰদান কৰিছে।

ভাৰতীয় বায়ুসেনাই প্ৰকাশ কৰা তথ্য অনুযায়ী গ্ৰুপ কেপ্টেইন শ্বালিজা ধামীক পশ্চিম খণ্ডত এটা মিছাইল স্কোয়াড্ৰনৰ কমাণ্ড অধিগ্ৰহণ কৰিবলৈ নিৰ্বাচিত কৰা হৈছে।গ্ৰুপ কেপ্টেইন ধামীক ২০০৩ চনত হেলিকপ্টাৰ পাইলট হিচাপে দায়িত্ব দিয়া হৈছিল আৰু তেওঁৰ ২,৮০০ ঘণ্টাতকৈও অধিক উৰণৰ অভিজ্ঞতা আছে। লগতে তেওঁ এগৰাকী যোগ্য উৰণ প্ৰশিক্ষক, তেওঁ পশ্চিম খণ্ডৰ এটা হেলিকপ্টাৰ গোটৰ ফ্লাইট কমাণ্ডাৰ হিচাপে ইতিমধ্যে কাৰ্যনিৰ্বাহ কৰিছে।

 এয়াৰ অফিচাৰ কমাণ্ডিং-ইন-চীফে তেওঁক দুবাৰ পদোন্নতি দিয়াৰ পাছত, বিষয়াজনক বৰ্তমান ফ্ৰণ্টলাইন কমাণ্ড মুখ্য কাৰ্যালয়ৰ অপাৰেচন শাখাত নিযুক্তি দিয়া হৈছে। তাৎপৰ্যপূৰ্ণ কথা এইটোৱেই যে তেওঁৰ বাবে এয়া একমাত্ৰ মাইলৰ খুঁটি নহয়। ইয়াৰ আগতে গ্ৰুপ কেপ্টেইন ধামী আছিল প্ৰথম মহিলা বিষয়া যাক এটা অপাৰেচন ইউনিটৰ ফ্লাইট কমাণ্ডাৰ হিচাপে নিযুক্ত কৰা হৈছিল। উল্লেখযোগ্য যে ভাৰতীয় সেনাই মহিলা বিষয়া বৰ্তমান সেনাবাহিনীত বৃদ্ধি কৰিছে৷