ডিজিটেল ডেস্কঃ এজন কোটিপতি উদ্যোগপতি,কম বয়সতে বিশ্ব জিনাৰ দুৰ্বাৰ হেপাঁহ ব্যৱসায়ীজনৰ৷তেওঁৰ নাম নিখিল কামাথ৷নিখিল ভাৰতৰ আটাইতকৈ কনিষ্ঠ কোটিপতি। ৩৬ বছৰ বয়সত, তেওঁৰ মুঠ সম্পত্তি আছিল ১.১ বিলিয়ন ডলাৰ।
নিখিল কামাথে ২০১০ চনত বিল গেটছ, মেলিণ্ডা ফ্ৰেঞ্চ গেটছ আৰু ৱাৰেন বাফেতৰ দ্বাৰা আৰম্ভ কৰা প্ৰতিশ্ৰুতিত স্বাক্ষৰ কৰিছিল। য’ত নিখিলে তেওঁৰ মুঠ সম্পত্তিৰ আধা খিনি দিয়াৰ প্ৰতিশ্ৰুতি দিছে। তেওঁ শেহতীয়াকৈ ২৪০ জন ধনৱন্ত লোকৰ অভিজাত ক্লাবত যোগদান কৰিছিল যিসকলে আধা সম্পত্তি সমাজক দান দিয়াৰ সিদ্ধান্ত লৈছে।উল্লেখ্য যে নিখিল বৰ্তমান অবিবাহিত৷
কামাথ ভাতৃদ্বয়ে ২০১০ চনত জিৰোধা প্ৰতিষ্ঠা কৰিছিল।যেতিয়া ষ্টক ব্ৰোকিং কোম্পানীয়ে ভাৰতৰ ব্ৰোকাৰেজ বজাৰত ব্যাঘাত জন্মাইছিল।বৰ্তমান কোম্পানীটোৰ ১০ মিলিয়নতকৈও অধিক গ্ৰাহক আছে। কোম্পানীটোৱে ২০ কোটি টকাৰ অধিক লাভ পঞ্জীয়ন কৰি আছে।
কামাথে তেওঁৰ মুঠ সম্পত্তিৰ কমেও ৫০ শতাংশ জলবায়ু পৰিৱৰ্তন, শক্তি, শিক্ষা আৰু স্বাস্থ্যৰ দৰে ক্ষেত্ৰত দাতব্য কামত দান কৰিব।নিখিল কামাথ এজন স্কুল আধাতে এৰি যোৱা যুৱক । অৱশ্যে, তেওঁৰ সদায় এক উদ্যোগী মনোভাৱ আছিল। ১৪ বছৰ বয়সত, তেওঁ পুৰণি ফোন বিক্ৰী কৰা আৰম্ভ কৰে। ১৭ বছৰ বয়সত, তেওঁ ৮০০০ টকাত এটা কল চেণ্টাৰত চাকৰি লাভ কৰিছিল।বৰ্তমান নিখিলৰ সম্পত্তিৰ মুঠ মূল্য ৯০০০ কোটি টকা।
Continue Reading
