ডিজিটেল ডেস্কঃ এজন সফল ব্যৱসায়ী৷অতি কষ্টৰে জীৱনত সফলতা অৰ্জন কৰা আৰ জি চন্দ্ৰমোগনৰ কাহিনী প্ৰেৰণাদায়ক। কলেজ এৰি তেওঁ ১৯৭০ চনত আৰম্ভ কৰিছিল নিজৰ সৰু আইচক্ৰীমৰ উদ্যোগটো।২০২৩ চনলৈ হিচাপ কৰিলে তেওঁৰ সম্পত্তিৰ পৰিমাণ ২.৩ বিলিয়ন ডলাৰ (ভাৰতীয় মুদ্ৰাত ১৯০৭৭ কোটি টকা)।তেওঁ হাটছুন এগ্ৰ’ প্ৰডাক্ট লিমিটেডৰ অধ্যক্ষ। বিক্ৰীৰ ফালৰ পৰা ই দেশৰ অন্যতম বৃহৎ ব্যক্তিগত দুগ্ধ কোম্পানী। ভাৰতৰ অন্যতম ধনী ব্যক্তি আৰু আইচক্ৰীম নিৰ্মাতাসকলৰ সৰ্বাধিক ধনী ব্যক্তি।তেওঁৰ কোম্পানীয়ে ১০০০ খন গাঁৱৰ ৪০০০০০০ কৃষকৰ পৰা গাখীৰৰ লাভ কৰে। তেওঁৰ কোম্পানীয়ে ৪২টাতকৈও অধিক কোম্পানীলৈ দুগ্ধজাত সামগ্ৰীও ৰপ্তানি কৰে৷চন্দ্ৰমোগনৰ ঘৰ চেন্নাইত। সংখ্যাৰ ওপৰত তেওঁৰ সিদ্ধহস্ততাৰ বাবে মানৱ কম্পিউটাৰ বুলিও কোৱা হয়।
দেউতাক আছিল এজন সৰু দোকানৰ মালিক। ৬৫ টকাৰ সামান্য দৰমহাত কাঠৰ ডিপোত চাকৰি কৰিয়েই চন্দ্ৰমোগনে কেৰিয়াৰ আৰম্ভ কৰিছিল।তাৰ পাছত মাত্ৰ ৩ জন শ্ৰমিক লৈ তেওঁ আইচক্ৰীমৰ ব্যৱসায় খুলিছিল। আগতে ১৫খন পুচকাৰ্টত নিজৰ আইচক্ৰীম বিক্ৰী কৰিছিল। য’ত তেওঁৰ প্ৰাৰম্ভিক মূলধন আছিল ১৩০০০ টকা।
Continue Reading
