ডিজিটেল ডেস্কঃ ভাৰতীয় সেনাৰ শিবিৰত আৰ্টিলাৰী গুলীচালনাৰ অনুশীলন চলি আছিল। হঠাৎ এটা গুলী শ্বুটিং ৰেঞ্জ পাৰ হৈ ওচৰৰ গাঁৱত পৰে। সেই সময়ত বহু লোকে পথাৰত কাম কৰি আছিল। আকস্মিক এই গোলাবৰ্ষণত ৩ জন লোকৰ মৃত্যু হ’ল। বিহাৰৰ গয়া জিলাত সংঘটিত হৈছে এই ঘটনা।
গয়াৰ বৰাচট্টি থানাৰ অন্তৰ্গত গুলাৰভেদ গাঁও। তাৰ কাষতে এটা আৰ্মী কেম্প। বুধবাৰে পুৱা সেনা জোৱানসকলে তাত কামানৰ গুলীচালনাৰ অনুশীলন কৰি আছিল। সেই সময়ত হঠাৎ এটা গুলী শিবিৰৰ গাঁৱৰ ফালে যায়। গুলীটো পথাৰত পৰি লগে লগে তীব্ৰ বিস্ফোৰণ হয়। বিস্ফোৰণস্থলীৰ আশে-পাশে ৭ জন লোকে কাম কৰি আছিল। আটাইকেইজন আহত হয়।
ততাতৈয়াকৈ তেওঁলোকক ওচৰৰ অনুগ্ৰহ নাৰায়ণ মগধ চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয়। চিকিৎসকে ৩জন গাঁওবাসীক মৃত ঘোষণা কৰে। মৃতসকলৰ ভিতৰত এগৰাকী মহিলাও আছে।
গয়াৰ আৰক্ষী অধীক্ষক আশীষ ভাৰতীয়ে কয় যে বাকী ৩ গৰাকী আহত ব্যক্তিৰ ভিতৰত ২ গৰাকী মহিলাৰ অৱস্থা সংকটজনক। আৰক্ষীৰ বিশেষ দল এটাই সেই স্থান পৰিদৰ্শন কৰিছে৷
Continue Reading
