ডিজিটেল ডেস্কঃ ভয়ংকৰ আক্ৰমণত কঁপি উঠিল পঞ্জাৱৰ ভাটিণ্ডাৰ সেনা ঘাটি। শেহতীয়াকৈ জানিব পৰা মতে বুধবাৰে পুৱা প্ৰায় ৪.৩০ বজাত পঞ্জাৱৰ বাথিন্দা সেনা ঘাটিত এজন অসামৰিক পোছাক পৰিহিত লোকে ধাৰাসাৰ গুলীবৰ্ষণ কৰে।
এই ঘটনাত কমেও চাৰিজন সেনা জোৱান নিহত হৈছে। ভাটিণ্ডাৰ এছএছপি গুলনীত খুৰানাই কয় যে আক্ৰমণকাৰী লোক জন এজন সেনা জোৱান হ’ব পাৰে। গুলীচালনা কৰা লোক জনক ধৰিবলৈ অঞ্চলটো ঘেৰাও কৰা হৈছে।ঘটনাটোৰ পিছতে ষ্টেচন কুইক ৰিএকচন দল দ্ৰুতগতিত সক্ৰিয় হৈ পৰিছে।
শেহতীয়া খবৰ অনুসৰি এতিয়ালৈকে কোনো গ্ৰেপ্তাৰ কৰিব পৰা হোৱা নাই যদিও ঘটনাৰ আঁৰত সন্ত্ৰাসবাদী নে সেনাৰেই কোনো লোক জড়িত আছিল সেয়া তদন্ত কৰি থকা হৈছে। পঞ্জাৱত অতীততো এনে ধৰণৰ ঘটনা সংঘটিত হৈছে। ইপিনে সেনাৰ এক সূত্ৰই প্ৰকাশ কৰা মতে এজন সেনা জোৱানে হঠাতে তেওঁৰ বন্দুকেৰে নিৰ্বিচাৰে গুলীবৰ্ষণ কৰিছিল।
Continue Reading
