ডিজিটেল ডেস্কঃ বিজেপি সাংসদ তথা ভাতৃ বৰুণ গান্ধীৰ ওপৰত তাৎপৰ্যপূৰ্ণ মন্তব্য কৰিছে ৰাহুল গান্ধীয়ে। শেহতীয়াকৈ কংগ্ৰেছৰ ভাৰত জোড়ো যাত্ৰাত বৰুণে অংশগ্ৰহণ কৰাৰ চৰ্চা চলিছে। তদুপৰি কংগ্ৰেছতো বৰুণে প্ৰৱেশ কৰিব পাৰে বুলি বহুতে কৈ আহিছে। তেনে সময়তে সকলো জল্পনা-কল্পনাৰ অন্ত পেলাই জ্যেষ্ঠ কংগ্ৰেছ নেতা ৰাহুল গান্ধীয়ে মঙলবাৰে কয় যে তেওঁলোক দুয়োজনৰে মতাদৰ্শ মিলা নাই।
গান্ধীয়ে সাংবাদিকক কৈছিল যে বৰুণ গান্ধীয়ে ৰাষ্ট্ৰীয় স্বয়ংসেৱক সংঘৰ (আৰএছএছ) আদৰ্শ গ্ৰহণকৰিছিল, যাক তেওঁ কেতিয়াও গ্ৰহণ কৰিব নোৱাৰে।
"মই কেতিয়াও আৰ এছ এছ কাৰ্যালয়লৈ যাব নোৱাৰো, তাৰ আগতে মই মুণ্ডচ্ছেদ কৰিব লাগিব। মোৰ পৰিয়ালৰ এটা নিৰ্দিষ্ট আদৰ্শ, এটা চিন্তাধাৰা আছে," - ৰাহুলে কয়।
"মই নিশ্চিতভাৱে বৰুণক লগ কৰিব পাৰো, তেওঁক আলিঙ্গন কৰিব পাৰো, কিন্তু তেওঁৰ আদৰ্শ গ্ৰহণ কৰিব নোৱাৰো। অসম্ভৱ।’’- ৰাহুলে কয়।
ৰাহুলে কয় যে আৰ এছ এছ আৰু কংগ্ৰেছৰ মাজত এক আদৰ্শগত যুঁজ চলি আছে। সেয়ে বৰুণ গান্ধীয়ে প্ৰশংসা কৰা আৰএছএছক তেওঁ কেতিয়াও মানি ল’ব নোৱাৰে।
Continue Reading
