ডিজিটেল ডেস্কঃ প্ৰেমৰ দিনটোতে দেশত ঘটিল এক অঘটন৷ ভেলেণ্টাইন ডেৰ দিনটোতে এজন প্ৰেমিকে তেওঁৰ প্ৰেমিকাক ধৰ্ষণ কৰাৰ লগতে প্ৰেমিকাৰ গোপন অংগত সুমুৱাই দিলে লোৰ ৰড৷ এই ঘটনাই এতিয়া সমগ্ৰ দেশতে প্ৰতিক্ৰিয়াৰ সৃষ্টি কৰিছে৷ ঘটনাটো ঘটিছে ঝাৰখণ্ডত৷
যুৱতীগৰাকীয়ে তেওঁৰ প্ৰেমিকৰ সৈতে ভেলেণ্টাইন ডেক স্মৰণীয় কৰি তুলিব বুলি আশা কৰিছিল যদিও সেয়া নহ’ল৷ আৰক্ষীয়ে জনোৱা অনুসৰি ১৭ বছৰীয়া কিশোৰীগৰাকীক প্ৰথমে প্ৰেমিকে ধৰ্ষণ কৰে৷ তাৰ পিছত প্ৰেমিকাৰ গোপন অংগত লোহাৰ ৰড সুমুৱাই তেওঁক হত্যা কৰে৷ ঘটনাটো ঝাৰখণ্ডৰ গড়ৱা জিলাৰ আজনি গাঁৱত সংঘটিত হৈছে।
ছোৱালীজনীৰ মৃতদেহ প্ৰেমিকৰ ঘৰৰ ওচৰৰ এখন পথাৰত স্থানীয় একাংশ লোকে উদ্ধাৰ কৰে৷ছোৱালীজনৰ ঘৰৰ লোকে কয় " নিশা ছোৱালীজনীয়ে পৰিয়ালক নজনোৱাকৈ যুৱকজনক লগ কৰিবলৈ গৈছিল। পুৱা তাইৰ মৃতদেহ উদ্ধাৰ হয়," ৷
আৰক্ষী বিষয়া সন্তোষ কুমাৰ ৰবিয়ে প্ৰকাশ কৰা মতে ঘটনাটো সন্দৰ্ভত অভিযুক্তজনৰ বিৰুদ্ধে এখন এজাহাৰ পঞ্জীয়ন কৰা হৈছে। অভিযুক্ত যুৱক জন বৰ্তমান পলাতক হৈ আছে৷ আৰক্ষীয়ে অভিযুক্তজনক তেওঁৰ মোবাইল ফোনৰ অৱস্থানৰ ভিত্তিত গ্ৰেপ্তাৰ কৰিবলৈ চেষ্টা চলাইছে৷
Continue Reading
