ডিজিটেল ডেস্কঃ ব'ৰ্ড পৰীক্ষাত একাংশ শিক্ষাৰ্থীয়ে যিকোনো প্ৰকাৰে উত্তীৰ্ণ হ'বলৈ বিভিন্ন পন্থা অৱলম্বন কৰে। মধ্য প্ৰদেশত ব'ৰ্ডৰ পৰীক্ষাৰ বহী চোৱা আৰম্ভ হৈছে। এই বছৰো একাংশ শিক্ষাৰ্থীয়ে অদ্ভূত অজুহাত দেখুৱাই পৰীক্ষাত উত্তীৰ্ণ হ’ব বিচাৰিছে। ইন্দোৰতো একে ধৰণৰ ঘটনা ঘটিছে। ইন্দোৰৰ বোৰ্ডৰ পৰীক্ষাৰ বহীত এজন শিক্ষাৰ্থীয়ে লিখিছে , "ছাৰ ঈশ্বৰৰ শপত, আপুনি মোক পাছ কৰি দিয়ক।" কেৱল সেয়াই নহয়, শিক্ষাৰ্থীজনে সংস্কৃতৰ পৰীক্ষাত হিন্দীতে প্ৰশ্নোত্তৰ লিখিছিল আৰু পাছ কৰি দিবলৈয়ো শিক্ষকলৈ টোকা লিখিছিল।
এইবেলি মধ্য প্ৰদেশত ৪০০ গৰাকী শিক্ষকে পৰীক্ষাৰ বহী চাই আছে। ৪০০ ৰো অধিক শিক্ষকে প্ৰায় ২.৫ লাখ পৰীক্ষাৰ বহী চাই আছে।
কোনোবা শিক্ষাৰ্থীয়ে শিক্ষকসকলক ৰোগৰ কথা উল্লেখ কৰিপৰীক্ষাত পাছ কৰাই দিবলৈ অনুৰোধ জনাইছে, কোনোবাই সংস্কৃতৰ কাকতত হিন্দীত প্ৰশ্নোত্তৰ লিখিছে। এজন ছাত্ৰই তেওঁক পৰীক্ষাত উত্তীৰ্ণ কৰাই দিয়াৰ অনুৰোধ জনাই লিখিছে "মাষ্টাৰজী, মই অসুস্থ হোৱাৰ বাবে পঢ়িব পৰা নাছিলো। ঈশ্বৰৰ শপত , অনুগ্ৰহ কৰি মোক পাছ কৰাই দিয়ক।"
Continue Reading
