ডিজিটেল ডেস্কঃ এক ৰহস্যময় পোহৰে হাৰিয়ানাত আলোড়ণৰ সৃষ্টি কৰিছে৷ ভূমিকম্পৰ মাজতে হাৰিয়ানাৰ আকাশত এটা 'ৰহস্যময় পোহৰ' দেখা যায়।সেই ৰঙীন পোহৰকলৈ এতিয়া চৌদিশে কৌূহল বিয়পি পৰিছে। মঙলবাৰে নিশা ১০.২৫ বজাত দিল্লী, উত্তৰ প্ৰদেশ, হাৰিয়ানা, উত্তৰাখণ্ড আৰু হিমাচল প্ৰদেশৰ বহু ঠাইত কম্পন অনুভৱ কৰা হয়।
ভূমিকম্পৰ প্ৰাবল্য ৰিখটাৰ স্কেলত ৬.৬ আছিল। কম্পনটো কেইছেকেণ্ড মানৰ বাবে অনুভৱ কৰা হৈছিল।কম্পনৰ মাজতে হাৰিয়ানাৰ যমুনানগৰৰ আকাশত ৰঙা, বেঙুনীয়া আৰু কমলা ৰঙৰ পোহৰ দেখা গৈছিল। অতি কম সময়ৰ ভিতৰতে পোহৰৰ ৰং বাৰে বাৰে সলনি হোৱা দেখা গৈছিল। এয়া কিহৰ পোহৰ? জনসাধাৰণৰ মাজত ৰহস্য আৰু কৌতূহল বৃদ্ধি পাই গৈছে৷ বিজ্ঞানীসকলে দাবী কৰিছে যে এই ধৰণৰ 'ৰহস্যময় পোহৰ' বৰ অস্বাভাৱিক নহয়। বিশেষকৈ ভূমিকম্পৰ আগতে বা ভূমিকম্পৰ মাজত আকাশত ৰঙীন পোহৰ দেখা যায়। কিন্তু তেওঁলোকে ইয়াৰ কাৰণ বাখ্যা কৰা নাই৷
এনে পোহৰ দেখাৰ পিছত বহুতে ভিন গ্ৰহাণুৰ তত্ত্বও উত্থাাপন কৰিছে৷ অৱশ্যে বিজ্ঞানীসকলে এই তত্ত্ববোৰ অস্বীকাৰ কৰিছে। বিজ্ঞানীসকলে দীৰ্ঘদিন ধৰি এনে পোহৰৰ উৎস বিচাৰি আছে। তেওঁলোকে দাবী কৰে যে এই পোহৰ ভূমিকম্পৰ সৈতে সম্পৰ্কিত। বিশেষকৈ যি ঠাইত টেকটনিক প্লেট ফল্ট লাইনত পৰে এই ধৰণৰ পোহৰ কম্পনৰ আগতে বা মাজত দেখা যায়। উল্লেখ্য মঙলবাৰে নিশা প্ৰায় ১০.১৫ বজাত দিল্লী-এনচিআৰত কম্পন অনুভৱ কৰা হয়।
উত্তৰ প্ৰদেশ, পঞ্জাৱ, জম্মু - কাশ্মীৰ, উত্তৰাখণ্ড, বিহাৰতো কম্পন অনুভৱ কৰা হৈছিল। ভূমিক্ম্পৰ তীব্ৰতা ৬.৬ আছিল বুলি জানিব পৰা গৈছে। ইফালে ভূমিক্ম্পৰ পিছতে পাকিস্তানৰ স্বাস্থ্য মন্ত্ৰী আব্দুল কাদিৰ পেটেলৰ নিৰ্দেশত ইছলামাবাদৰ চিকিৎসালয়সমূহত জৰুৰীকালীন অৱস্থা ঘোষণা কৰা হয়।
Continue Reading
