ডিজিটেল ডেস্কঃ দেওবাৰে আমেৰিকান ক্লাব ইণ্টাৰ মিয়ামিৰ হৈ অভিষেক ঘটাব লায়নেল মেছিয়ে। তাৰ আগতে এটা বৃহৎ দুৰ্ঘটনাৰ পৰা ৰক্ষা পৰে। নিয়ম ভংগ কৰি তেওঁৰ গাড়ীখনে আন এটা ৰাস্তাত প্ৰৱেশ কৰে। সেই সময়তে মেছিৰ গাড়ীখনক আন এখন গাড়ীয়ে খুন্দা মৰাৰ পৰা অলপতে বাচি যায়। যান-বাহনৰ নিয়ম ভংগ কৰাৰ বাবে মেছিয়ে শাস্তি পাব পাৰে বুলি জনা গৈছে।
ছ’চিয়েল মিডিয়াত ভাইৰেল হৈছে এটা ভিডিঅ’। অৱশ্যে ভিডিঅ’টো মেছিৰ হয়নে নহয় তাৰ সত্যতা কোনেও দাবী কৰা নাই। ভিডিঅ’টোত মেছিৰ বিলাসী ক’লা গাড়ীখনে ৰঙা চিগনেল ভাঙি আন এটা পথৰ ফালে ঘূৰি গৈছে। সেই সময়ত গাড়ীখন সেই ৰাস্তাতে বেগেৰে গৈ আছিল। মেছিৰ গাড়ী সোমোৱা দেখি আন গাড়ীবোৰে গতি কমাই পাৰ হৈ গ’ল। ফলত দুৰ্ঘটনাৰ পৰা হাত সাৰিব পৰা হ’ল।
মেছিৰ গাড়ীৰ পিছফালে আছিল এখন আৰক্ষীৰ গাড়ী। কিন্তু পিছফালে থকাৰ বাবে তেওঁলোকে মেছিৰ গাড়ীখন ৰখাব নোৱাৰিলে। মেছিয়ে নিজেই গাড়ীখন চলাইছিল নে নাই সেয়া জানিব পৰা হোৱা নাই। এই ঘটনাৰ ভিডিঅ’টো আমেৰিকাৰ বিভিন্ন চেনেলত প্ৰদৰ্শিত হৈছিল।
Continue Reading
