ডিজিটেল ডেস্কঃ বিৰাট কোহলী নামটো বহু বলাৰৰ বাবে দুঃস্বপ্ন। কিন্তু আজিও বিৰাটে ১০ বছৰ পূৰ্বে মিচেল জনছনৰ এটা বল পাহৰিব নোৱাৰে। সেই সময়ত জনছন তেওঁৰ আতংক হৈ পৰিছিল।
২০১৪ চনত অষ্ট্ৰেলিয়াত খেলিবলৈ গৈছিল ভাৰত। সেই ভ্ৰমণতে বিৰাট টেষ্টৰ অধিনায়ক হৈছিল। মহেন্দ্ৰ সিং ধোনীয়ে পদত্যাগ কৰে। ভ্ৰমণৰ আৰম্ভণিতে এটা ঘটনাৰ কথা ক’লে বিৰাটে।
বিৰাটে কয় যে, ভ্ৰমণৰ প্ৰথমখন মেচত জনছনৰ প্ৰথমটো বল তেওঁৰ মূৰত খুন্দা মাৰে। এটা ডাঙৰ জোকাৰণিৰ সৃষ্টি হৈছিল। অবিশ্বাস্য যেন লাগিছিল।
প্ৰথমখন মেচত ৩১ নং অভাৰত বেটিং কৰিছিল বিৰাটে। জনছনে বল কৰি আছিল। জনছনে প্ৰথম বলটো বাউন্স কৰে। বলৰ লাইনৰ পৰা মূৰটো লৰচৰ কৰিব নোৱাৰিলে বিৰাটে। বলটোৱে হেলমেটত জোৰেৰে খুন্দা মাৰিলে।
বিৰাটে কয়, ‘মই দুমাহ ধৰি জনছনৰ বাবে প্ৰস্তুতি চলাই আছিলো। মই কল্পনা কৰি আছিলো যে কেনেকৈ বল খেলিব। কিন্তু বলটোৱে হেলমেটত খুন্দা মৰাৰ পিছত সকলো পৰিকল্পনা সলনি হৈ গ’ল। বৰ জোৰেৰে শব্দ হৈছিল। চকুৰে সৰিয়হফুল দেখিছিলোঁ। বাওঁ চকুটো ফুলি উঠিছিল। সেই সময়ত মই যদিও সেইটো বুজি পোৱা নাছিলো।"
২০১৩-১৪ চনত বিৰাট আৰু জনছনৰ মাজত যুঁজখন যথেষ্ট তীব্ৰ আছিল। সেই সময়ত বেটছমেনসকলৰ বাবে জনছন আছিল এক আতংক। তেওঁ ক’লে, “দুপৰীয়াৰ আহাৰ গ্ৰহণৰ সময়ত মোৰ চিন্তা কৰিবলৈ সময় আছিল। মোৰ অনুভৱ হ’ল মোৰ হাতত দুটা বিকল্প আছে। এটা মই যুঁজিম, দুটা মই পলাই যাম। প্ৰথমটো বাছি লৈছিলো। মই ভাবিছিলোঁ সি মোৰ মূৰত খুন্দা মাৰিবলৈ কেনেকৈ সাহস কৰিলে। জনছনৰ বলত ইটোৰ পিছত সিটো বাউণ্ডেৰী মাৰিম। মই সেইটোৱেই কৰিলোঁ।"
Continue Reading
