ডিজিটেল ডেস্ক : সামান্থা। দক্ষিণ ভাৰতৰ এইগৰাকী মোহময়ী অভিনেত্ৰীৰ অভিনয়েই চাব নে নাচেই চাব। অভিনয়ৰ প্ৰতিভাৰে সামান্থাই ইতিমধ্যে গোটাইছে হাজাৰ হাজাৰ অনুৰাগী। লয়লাস নৃত্যইও মন মুহিছে বিভিন্নজনৰ। দক্ষিণ ভাৰতৰ ছবিত অভিনয় কৰিলেও দেশজুৰি আছে সামান্থাৰ অনুৰাগী।
পিছে আপুনি জানি আচৰিত হ’ব হাজাৰজনৰ হৃদয়ত ঠাই দখল কৰা সামান্থাই স্বাস্থ্যজনিত সমস্যাৰ সৈতে যুঁজ দি আছে। দীৰ্ঘদিন ধৰি সুস্বাস্থ্যৰ বাবে সংগ্ৰাম কৰি আহিছে সামান্থাই। ইতিমধ্যে অভিনেত্ৰীগৰাকীয়ে এখন ফ’টো শ্বেয়াৰ কৰি অনুৰাগীসকলক এই কথা জানিবলৈ দিছে।
সামান্থাই কয় যে, তেওঁ মাইঅ’চাইটিছ নামৰ বেমাৰৰ অটোইম্যুন অৱস্থাৰ সৈতে যুঁজি দি আছে। সেই বিশেষ ফটোখনত তেওঁক চোফাত বহি থকা দেখা গৈছে। তেওঁৰ হাতৰ কব্জিত আই ভি ড্ৰিপ আছে। নিজৰ অৱস্থাৰ বৰ্ণনা কৰি লিখিছে আবেগভৰা প,ষ্ট। লগতে প,ষ্টটোৰ জৰিয়তে তেওঁ অনুৰাগীসকলকো ধন্যবাদ জনাইছে।
উল্লেখযোগ্য যে, ‘দ্যা ফেমিলী মেন’ ৱেব চিৰিজৰ জৰিয়তে দেশবাসীৰ মন মুহিছিল অভিনেত্ৰীগৰাকীয়ে। জনপ্ৰিয় ছবি ‘পুষ্পা’ৰ আইটেম চঙটোৰ জৰিয়তে দেশজুৰি খলকনি তুলিছিল। আনহাতে, অচিৰেই সামান্থাই বলীউডটো আত্মপ্ৰকাশ কৰিব। সেই ছবিখনত সামান্থাৰ বিপৰীতে অভিনয় কৰিব আয়ুষ্মান খুড়ানাই।
Continue Reading
