ডিজিটেল ডেস্কঃ মহাৰাষ্ট্ৰত আজি সংঘটিত হয় এক ভয়াৱহ পথ দুৰ্ঘটনা। ৰাজ্যখনৰ ৰাইগড় জিলাৰ পুৰণি মুম্বাই-পুনে ঘাইপথত যাত্ৰীবাহী এখন বাছ ঘাইপথৰ কাষৰ দ খাৱৈত বাগৰি পৰে। ফলত বাছখনৰ ১২ গৰাকী যাত্ৰী নিহত হোৱাৰ লগতে ২৭ গৰাকী আহত হয়।
এটা লোকশিল্প প্ৰদৰ্শন কৰা দলৰ সদস্য কঢ়িয়াই অনা ব্যক্তিগত বাছখন পুনেৰ পৰা মুম্বাইলৈ গৈ থকা অৱস্থাতে পুৱা প্ৰায় ৪:৫০ বজাত ঘাইপথৰ শ্বিংৰোবা মন্দিৰৰ সমীপৰ এক দ খাৱৈত বাগৰি পৰে বুলি আৰক্ষীৰ এগৰাকী জ্যেষ্ঠ বিষয়াই জানিবলৈ দিয়ে।
স্থানীয় খোপোলি থানাৰ আৰক্ষী বিষয়াগৰাকীয়ে জানিবলৈ দিয়া মতে মুম্বাইৰ গোৰেগাঁৱৰ পৰা ‘বাজী প্ৰভু ভাদক গ্ৰুপ’ নামৰ লোকশিল্প দল এটাৰ সদস্যক লৈ আহিছিল বাছখন। পুনে জিলাৰ পিমপ্ৰী চিঞ্চৱাদ অঞ্চলত এক অনুষ্ঠানত অংশ লৈ গোৰেগাঁৱলৈ উভতি আহিছিল দলটো।
বিষয়াগৰাকীয়ে সদৰী কৰা মতে, আজি পুৱতি নিশা ১ বজাত বাছখন অনুস্থানৰস্থলীৰ পৰা ওলাই আহিছিল বাছখন। এই দুৰ্ঘটনাত ১২ গৰাকী লোকৰ মৃত্যু হোৱাৰ লগতে ২৭ গৰাকী লোক আহত হোৱা বুলি তেওঁ লগতে কয়।
ইফালে ৰায়গড় জিলাৰ আৰক্ষী অধীক্ষকগৰাকীয়ে জানিবলৈ দিয়া মতে, ঘটনাত নিহত তথা আহত হোৱা লোকসকল মুম্বাইৰ ছিয়ন আৰু গোৰেগাঁও আৰু চুবুৰীয়া পালঘৰ জিলাৰ ভিৰাৰৰ বাসিন্দা।
আহতসকলক খোপোলি গ্ৰাম্য চিকিৎসালয়ত ভৰ্তি কৰা হৈছে বুলিও তেওঁ লগতে কয়। মৃত তথা আহত লোকসকল ১৮ৰ পৰা ২৫ বছৰ বয়সৰ বুলি আৰক্ষীয়ে সদৰী কৰিছে।
Continue Reading
