ডিজিটেল ডেস্কঃ এক ভয়ংকৰ ঘটনা সংঘটিত হৈছে। অসম-মিজোৰাম সীমান্তত এক গুলীচালনাৰ ঘটনা সংঘটিত হৈছে। মিজো আৰক্ষী জোৱানৰ গুলীত প্ৰাণ গ’ল দুই সতীৰ্থৰ। ৫ মাৰ্চৰ সন্ধিয়া প্ৰায় ৬:৪০ বজাত সংঘটিত হোৱা এক কৰুণ হত্যাৰ ঘটনা শেহতীয়াকৈ পোহৰলৈ আহিছে। সশস্ত্ৰ আৰক্ষী হাবিলদাৰ বিমলকান্তি চাকমাই তেওঁৰ দুজন সতীৰ্থ আৰক্ষীক গুলীয়াই হত্যা কৰে।
খবৰ অনুসৰি ঘটনাৰ সময়ত অভিযুক্ত আৰক্ষীগৰাকীয়ে অতিমাত্ৰাত মদ্যপান কৰি আছিল বুলি জানিব পৰা গৈছে।
নিহত আৰক্ষীকেইজন হাবিলদাৰ ইন্দ্ৰ কুমাৰ আৰু হাবিলদাৰ জে লালৰোহলুৱা বুলি জানিব পৰা গৈছে। এই আটাইকেইজনেই ২নং বেটেলিয়ন মিজোৰাম সশস্ত্ৰ আৰক্ষীৰ অন্তৰ্গত আৰু বৰ্তমান মিজোৰাম পক্ষৰ অসম-মিজোৰাম সীমান্তৰ বুৰচেপ এলেকাত কৰ্মৰত হৈ আছে।
লুংলেই জিলাৰ হাবিলদাৰ জে লালৰোহলুৱাৰ থিতাতে মৃত্যু হোৱাৰ বিপৰীতে আনজন হাবিলদাৰ লংটলাই জিলাৰ ইন্দ্ৰ কুমাৰৰ মিজোৰামৰ ওচৰৰ চিকিৎসালয়লৈ লৈ যোৱাৰ পথত মৃত্যু হয়।
ইয়াৰ পিছতে গুলীচালনা কৰা হাবিলদাৰ বিমলকান্তি চাকমাক আটক কৰি অধিক তদন্তৰ বাবে আইজললৈ লৈ যোৱা হয়। ঘটনাটো মিজোৰামৰ বুৱাৰচেপ পেট্ৰ’ল পাম্পত সংঘটিত হৈছে। এই ঘটনাক লৈ অঞ্চলজুৰি তীব্ৰ চাঞ্চল্য অব্যাহত আছে।
Continue Reading
