ডিজিটেল ডেস্কঃ এক ভয়ংকৰ হেলিকপ্তাৰ দুৰ্ঘটনা। এই ভয়ংকৰ হেলিকপ্তাৰ দুৰ্ঘটনাত বহুকেইগৰাকী মাৰ্কিন সেনা আহত হৈছে। উত্তৰ-পূব চিৰিয়াত সংঘটিত হৈছে এই হেলিকপ্তাৰ দুৰ্ঘটনা।
মঙলবাৰে এক বিবৃতিত প্ৰকাশ কৰে যে, দেওবাৰে এই হেলিকপ্তাৰ দুৰ্ঘটনা সংঘটিত হৈছিল। এই দুৰ্ঘটনাৰ ফলত ২২ গৰাকীকৈ মাৰ্কিন সেনা গুৰুতৰভাৱে আহত হয়। আঘাতপ্ৰাপ্ত সেনাৰ ১০ গৰাকী সেনাক উন্নত চিকিৎসাৰ বাবে প্ৰেৰণ কৰা হৈছে বুলি বিবৃতিত প্ৰকাশ পাইছে।
ঘটনা সন্দৰ্ভত এক উচ্চস্তৰীয় অনুসন্ধান চলাই থকা বুলি একাংশ সংবাদ সংস্থাত প্ৰকাশ পাইছে। দুৰ্ঘটনাৰ সময়ছোৱাত কোনো শত্ৰু পক্ষই গুলিচালনা কৰা নাছিল বুলি উল্লেখ কৰিছে মাৰ্কিন সেনাৰ শীৰ্ষ বিষয়াই
উল্লেখযোগ্য যে বিগত মাৰ্চ মাহত চিৰিয়াত হোৱা ইৰাণ সমৰ্থিত মিলিছিয়াৰ আক্ৰমণ- প্ৰত্যাক্ৰমণত ২৫ জনকৈ মাৰ্কিন সেনা গুৰুতৰভাৱে আঘাতপ্ৰাপ্ত হৈছিল।
উল্লেখ্য যে এই দুৰ্ঘটনা দেওবাৰে সংঘটিত হ’ল যদিও ঘটনাটোৰ কথা সেনা বাহিনীৰ শীৰ্ষ বিষয়াই বহু পলমকৈ অৰ্থাৎ মঙলবাৰেহে প্ৰকাশ কৰে। বৰ্তমানলৈকে কি কাৰণত হেলিকপ্তাৰ দুৰ্ঘটনাটি হ'বলৈ পালে তাৰ সঠিক উত্তৰ জানিব পৰা হোৱা নাই। এই সন্দৰ্ভত উচ্চ পৰ্যায়ৰ তদন্ত চলি আছে।
Continue Reading
