ডিজিটেল ডেস্কঃ মৃত্যু হৈছে মোহময়ী অভিনেত্ৰী বৈভৱী উপাধ্যায়। জনপ্ৰিয় টিভি শ্ব’ ‘সাৰাভাই বনাম সাৰাভাই’ত অভিনয় কৰি পৰিচিতি লাভ কৰা অভিনেত্ৰীগৰাকীৰ এক ভয়ংকৰ দুৰ্ঘটনাত মৃত্যু হৈছে।
এই দুৰ্ভাগ্যজনক খবৰটো শ্বেয়াৰ কৰিছে শ্ব’টোৰ প্ৰযোজক জে ডি মাজেথিয়াই। ইনষ্টাগ্ৰাম ষ্ট’ৰীৰ এটা পোষ্টত তেওঁ এই দুৰ্ঘটনাটো উত্তৰ ভাৰতত সংঘটিত হোৱা বুলি সদৰী কৰিছে।
“এগৰাকী অতি সুন্দৰ অভিনেত্ৰী, প্ৰিয় বন্ধু সাৰাভাই বনাম সাৰাভাইৰ ‘জেচমিন’ নামেৰে পৰিচিত বৈভৱী উপাধ্যায়ৰ মৃত্যু হয়। উত্তৰ ভাৰতত এক দুৰ্ঘটনাৰ পতিত হয় বৈভৱী। কাইলৈ পুৱা প্ৰায় ১১ বজাত শেষৰ বাবে পৰিয়ালে তেওঁক মুম্বাইলৈ লৈ আহিব।”- জে ডি মাজেথিয়াই পোষ্টত এইদৰে লিখিছে।
উল্লেখ্য যে 'সাৰাভাই বনাম সাৰাভাই’ৰ উপৰিও ২০২০ চনত ‘ছাপাক’ আৰু ‘তিমিৰ’ (২০২৩) ছবিতো অভিনয় কৰিছিল বৈভৱীয়ে। অভিনেত্ৰীগৰাকীৰ মৃত্যুৱে বলিউডত শোকৰ ছাঁ পেলাইছে।
Continue Reading
