ডিজিটেল ডেস্কঃ দীপাৱলী আগমনৰ পূর্বে বহু ডাঙৰ ডাঙৰ চেলিব্রিটিয়ে নিজ নিজ ঘৰতে আয়োজন কৰি আছে গ্ৰেণ্ড পাৰ্টি৷ মাত্ৰ এদিন পূৰ্বে কৃতী সেনন আৰু চলচ্চিত্ৰ প্ৰযোজক ৰমেশ তৌৰাণীৰ ঘৰত এটা ডাঙৰ পাৰ্টিৰ আয়োজন কৰিছিলে। আনহাতে বি-টাউনৰ জনপ্ৰিয় ফেশ্বন ডিজাইনাৰ মনীষ মালহোত্ৰাই দীপাৱলীক আদৰাৰ পাৰ্টি আয়োজন কৰি বলীউডৰ ডাঙৰ ডাঙৰ তাৰকাসকলক আমন্ত্ৰণ জনাইছিল উদ্যোগৰ পৰা তেওঁৰ ঘৰলৈ।
এই পাৰ্টিত কেটৰিনা-বিকিৰ পৰা আৰম্ভ কৰি ঐশ্বৰ্য-অভিষেক আৰু অনন্যা-আদিত্য ৰয় কাপুৰলৈকে সকলো বলিউডৰ তাৰকা উপস্থিত থাকে। মনীষ মালহোত্ৰাৰ ঘনিষ্ঠ বন্ধুসকল, বলীউড ষ্টাৰৰ বাহিৰেও এই পাৰ্টিত উপস্থিত আছিল দুগৰাকী বিশেষ অতিথি। এই দুগৰাকী অতিথিয়ে সকলোৰে দৃষ্টি আকৰ্ষণ কৰিছিল।
তেওঁলোক হল মুকেশ আম্বানীৰ বোৱাৰী। মুকেশ আম্বানীৰ বোৱাৰী অৰ্থাৎ আকাশ আম্বানীৰ পত্নী শ্লোকা মেহতা আৰু অনন্ত আম্বানীৰ হ’বলগীয়া পত্নী ৰাধিকা মাৰ্চেণ্ট উপস্থিত হৈছিল এই পাৰ্টিত, যাৰ লুকক লৈ বৰ্তমান বহু চৰ্চা চলি আছে।কাৰণ শ্লোকা আৰু ৰাধিকাই একে ৰঙৰ কাপোৰ পিন্ধি অহাই নহয়, তেওঁলোকৰ মাজৰ বণ্ডিঙেও আটাইতকৈ বেছি মানুহৰ দৃষ্টি আকৰ্ষণ কৰিছিল।
Z+ চিকিউৰিটি লৈ আম্বানীৰ দুই বোৱাৰী পাৰ্টিলৈ আহিছিল। দুয়ো নিজকে ইমান সুন্দৰকৈ সজাই পৰাই আনিছিল যে তেওঁলোকৰ সন্মুখত গ্লেমাৰাছ আবেদন কঢ়িয়াই নিয়া বলীউডৰ সুন্দৰীসকলো ম্লান হৈ পৰিছিল।
মনীষ মালহোত্ৰাৰ পাৰ্টিত উপস্থিত থাকি অতি আনন্দিত হৈ পৰে আম্বানী পৰিয়ালৰ দুই বোৱাৰী শ্লোকা আৰু ৰাধিকা। উল্লেখ্য যে ৰাধিকা মুকেশ আম্বানীৰ সৰু পুত্ৰ অনন্ত আম্বানীৰ প্ৰেয়সী যদিও পৰিয়ালটোৱে নিজৰ বোৱাৰী বুলিয়েই আদৰি লৈছে ৰাধিকাক। অতি সোনকালে ৰাধিকা আৰু অনন্ত বিবাহপাশত আৱদ্ধ হ'ব।
Continue Reading
