যাদু নে আন কিবা! ৫ বছৰত ৩০ গুণ বৃদ্ধি পালে বিজেপি সাংসদ তেজস্বী সূৰ্যৰ সম্পত্তিৰ পৰিমাণ

কিন্তু সেই সম্পত্তিৰ পৰিমাণ ২০২৪ চনত ৪.১০ কোটি টকালৈ বৃদ্ধি পাইছে, যি হৈছে ৩০ গুণ বৃদ্ধি। প্ৰতিবেদন অনুসৰি ভাৰতীয় জনতা যুৱ মৰ্চাৰ সভাপতিজনৰ  উপাৰ্জনৰ মুখ্য উৎস আছিল কোম্পানীৰ ষ্টক আৰু মিউচুৱেল ফাণ্ড। ষ্টকত তেওঁৰ বিনিয়োগৰ বজাৰ মূল্য ১.৭৯ কোটি টকা আৰু তেওঁৰ মিউচুৱেল ফাণ্ডৰ পৰ্টফলিঅ'ৰ মূল্য ১.৯৯ কোটি টকা। এম.এফ. পৰ্টফলিঅ'ত তেওঁৰ ২৬ টা বিভিন্ন পুঁজি আছে, যাৰ ভিতৰত আছে কোটাক স্মল কেপ পুঁজি, কানাড়া ৰোবেকো মাল্টি কেপ ফাণ্ড, এইচডিএফচি মাল্টি কেপ ফাণ্ড, আইচিআইচিআই প্ৰুডেন্সিয়েল স্মল কেপ ফাণ্ড আৰু  অন্যান্য। বিজেপি সাংসদে বিনিয়োগ কৰা কিছুমান ষ্টক হৈছে বিএছই লিমিটেড, এভাৰেডি ইণ্ডাষ্ট্ৰিজ ইণ্ডিয়া, ইণ্ডাছ টাৱাৰচ, ষ্ট্ৰাইডছ ফাৰ্মা আদি ।  কিন্তু কেৱল ষ্টক মাৰ্কেটৰ পৰাই বিজেপি সাংসদজনে ইমান বিপুল পৰিমাণৰ ধন সংগ্ৰহ কৰিব পাৰিছে নে তেওঁৰ আয়ৰ আন কোনো উৎস আছে সেয়া এতিয়াও  স্পষ্ট হোৱা নাই। 

বিজেপি সাংসদজনৰ  বিৰুদ্ধে তিনিটা অমীমাংসিত হৈ থকা গোচৰ আছে, যাৰ ভিতৰত দুটা বাংগালুৰুত আৰু এটা নতুন দিল্লীত চলি আছে।  দিল্লীৰ মুখ্যমন্ত্ৰী অৰবিন্দ কেজৰিৱালৰ বাসগৃহত আক্ৰমণ কৰাৰ গোচৰ এটা তেওঁৰ বিৰুদ্ধে চলি আছে। সূৰ্যই মহাবিদ্যালয়ৰ শিক্ষাৰ্থীসকলক তেওঁৰ মনোনয়ন দাখিলৰ  ৰেলীত যোগদান কৰিবলৈ বাধ্য কৰোৱাৰো  অভিযোগ আছে। বিজেপি সাংসদ তেজস্বী সূৰ্যক বহুতেই তীব্ৰ হিন্দুত্ববাদী বুলিয়েই জানে। তেওঁ সময়ে সময়ে কৰি অহা মন্তব্যসমূে ধৰ্মীয় মেৰুকৰণ ঘটোৱা বুলিও অভিোগ উঠি আহিছে।