'যদি আমি মুছলিম ৰাষ্ট্ৰৰ দাবী কৰো তোমালোকে কি কৰিবা?’ কেন্দ্ৰক প্ৰশ্ন এজন মৌলানাৰ

তৌকীৰৰ মতেচৰকাৰে হিন্দু আৰু মুছলমান উভয় সম্প্ৰদায়ৰ মাজত ভয়ৰ পৰিবেশ  সৃষ্টি কৰিবলৈ চেষ্টা কৰি আছে। সেইকাৰণে মুছলমানসকলক বাৰে বাৰে আক্ৰমণ কৰা হৈছে।মোৰাদাবাদৰ এক অনুষ্ঠানত দিয়া ভাষণত তেওঁ কয়, "যিসকলে মুছলমানৰ বিৰোধিতা কৰি হিন্দুসকলক সুৰক্ষা দিয়াৰ কথা কৈছে তেওঁলোকে প্ৰকৃততে দুয়োটা ধৰ্মৰ লোকৰ বিৰুদ্ধে কাম কৰি আছে। তেওঁলোক প্ৰকৃততে ভাৰতৰ বিৰুদ্ধে কাম কৰিছে। যিসকলে হিন্দু ৰাষ্ট্ৰৰ বাবে চিঞৰি আছে,  তেওঁলোকৰ বিৰুদ্ধে শাস্তিমূলক ব্যৱস্থা লোৱা উচিত। কাৰণ যদি হিন্দু ৰাষ্ট্ৰৰ পৰিৱৰ্তে মুছলমান ৰাষ্ট্ৰৰো  দাবী উঠে , তেন্তে বিভাজনৰ  পৰিস্থিতি সৃষ্টি  হ'ব। সেইটো কেতিয়াও হ'বলৈ দিব নোৱাৰি। মুছলামানে ইছলামিক ৰাষ্ট্ৰ দাবী কৰিলে এনে পৰিসিথিতিত চৰকাৰে কি কৰিব? " 

তেওঁ লগতে কয় "২০১৪ চনৰ আগতে মুছলমানসকলে বিস্ফোৰণ সংঘটিত কৰিছিল, তেওঁলোক সন্ত্ৰাসবাদী আছিল।তেওঁলোকে ব্যৱহাৰ কৰা বোমাবোৰ এতিয়া ক'লৈ গৈছিল? সেই বোমা  এতিয়া ব্যৱহাৰ কৰা উচিত কাৰণ আজি মুছলমানসকলৰ অৱস্থা আটাইতকৈ বেয়া। সত্যটো হ'ল যে মুছলমানসকল তেতিয়া সন্ত্ৰাসবাদী নাছিল, আজিও নহয়। চৰকাৰে নিজৰ স্বাৰ্থত মুছলমানসকলক বেয়া হিচাবে  দেখুৱাব বিচাৰে। "

 ইছলামিক নেতাজনে অতীততো কেইবাবাৰো বিতৰ্কিত মন্তব্য কৰিছিল। কেইদিনমান আগতে হাৰিয়ানাত দুজন যুৱকক গৰুৰ চোৰাং ব্যৱসায়ী বুলি সন্দেহ কৰি হত্যা কৰা হৈছিল। সেই সময়ত, তৌকীৰে কৈছিল, যদি আপুনি লাঠিৰে দেশ খন চলাবলৈ চেষ্টা কৰে, তেন্তে আপুনি মনত ৰাখিব লাগে যে মুছলমানসকলৰ হাততো লাঠি আছে আৰু তেওঁলোক  দুৰ্বল নহয়।