ডিজিটেল ডেস্কঃ ভাগ্য কেতিয়া কাৰ সুপ্ৰসন্ন হয় কোনেও ক’ব নোৱাৰে। সাধাৰণ মূল্যৰ একো খন লটাৰী টিকটেও কাৰোবাৰ ভাগ্যউদয় কৰিব পাৰে। নিশাটোৰ ভিতৰতে কোনোবা হৈ পৰিব পাৰে কোটি টকাৰ গৰাকী। বিভিন্ন মাধ্যমত প্ৰায়ে খবৰ ওলাই থাকে যে কোনোবাই লটাৰীত এক কোটি টকা জিকিছে। যদি আপুনিও এক কোটি টকাৰ পুৰস্কাৰ লাভ কৰে তেন্তে কৰ কৰ্তন কৰি কিমান টকা আপোনাৰ হাতত পৰিব জানেনে?
আয়কৰ আইন ১৯৬১ চনত কাৰ্যকৰী হৈছিল। লটাৰীত টকা পালেও চৰকাৰক এই আইনৰ অধীনতে লোক এজনে কৰ পৰিশোধ কৰিব লাগে । সেই টকাৰ পৰিমাণো কম নহয়।১৯৬১ চনৰ আইকৰ আইনৰ ধাৰা ১৯৪বি ৰ অধীনত লটাৰীত ধন লাভ কৰা লোক এজনে কৰ পৰিশোধ কৰিব লাগিব। বিজয়ীক ধন পৰিশোধ কৰাৰ আগতে টিডিএছ কৰ্তন কৰা হয়।
১০,০০০ টকাৰ অধিক পুৰষ্কাৰৰ ধনৰ ক্ষেত্ৰত ৩০ শতাংশ টিডিএছ কৰ্তন কৰা হয়। অতিৰিক্ত চাৰ্চাৰ্জ আৰু উপকৰ যোগ দিয়াৰ পিছত টিডিএছ ৩১.২ শতাংশ লৈকে হ'ব পাৰে।লটাৰী টিকটত পুৰস্কাৰ পোৱাৰ পিছত এই কৰ পৰিশোধ কৰাটো বাধ্যতামূলক। গতিকে লটাৰীত ১ কোটি টকা জিকিলে আপোনাৰ হাতত কৰ কৰ্তনৰ পিছত খুব বেছি ৬৫ লাখ বা তাতকৈ কিছু বেছি টকাহে পৰিব।
এই ক্ষেত্ৰত, বহুলোকে কৰ পৰামৰ্শদাতাৰ সহায় লয়।কেইদিনমান আগতে এজন ট্ৰাক চালকে ড্ৰীম ইলেভেন লটাৰীত ১.৫ কোটি টকা জিকিছিল। তেওঁ মাত্ৰ ৪৯ টকাত টিকট ক্ৰয় কৰি এই বৃহৎ পুৰস্কাৰ জিকিছিল।পশ্চিমবংগৰ এজন দিন হাজিৰা কৰা যুৱকেও কিছুদিন আগতে ১ কোটি টকাৰ লটাৰীৰ ধন জিকিছিল।
Continue Reading
