যদি মোদীয়ে চাহ বিক্ৰী কৰি প্ৰধানমন্ত্ৰী হ'ব পাৰে, মই মুখ্যমন্ত্ৰী হ'ব নোৱাৰিম কিয়? ৰাখী সাৱন্তে দিলে হেমা মালিনীৰ বক্তব্যৰ প্ৰত্যুত্তৰ

ইপিনে মথুৰাৰ বিজেপি সাংসদ হেমা মালিনীয়ে তেওঁৰ টিকট কটা যোৱাৰ সম্ভাৱনাৰ মাজতে কৈছে যে  কংগনা ৰাণাৱটে যদি মথুৰাৰ পৰা প্ৰতিদ্বন্দিতা কৰে  তেন্তে সেয়া ভাল কথাই হ'ব। কেৱল সেয়াই নহয়,  হেমা মালিনীয়ে লগতে কৈছিল  যে কাইলৈ ইয়াৰ পৰা ৰাখী সাৱন্তে প্ৰতিদ্বন্দ্বিতা কৰাৰ  দাবী উত্থাপিত হ'ব পাৰে। বিজেপি সাংসদ হেমা মালিনী হেমা মালিনীৰ বক্তব্য সন্দৰ্ভত অভিনেত্ৰী ৰাখী সাৱন্তে কয়, 'মই কৃতজ্ঞ যে প্ৰধানমন্ত্ৰীয়ে মোক এই দায়িত্ব দিব বিচাৰে আৰু এইবাৰ তেওঁ মোক নিৰ্বাচনত প্ৰতিদ্বন্দ্বিতা কৰিবলৈ দিব বিচাৰিছে। এই কথা  হেমা মালিনীয়েই  ঘোষণা কৰিছে। অভিনেত্ৰীগৰাকীয়ে লগতে কয়  'আমাৰ প্ৰধানমন্ত্ৰী মোদীয়ে যদি  চাহ বিক্ৰী কৰি  প্ৰধানমন্ত্ৰী হ'ব পাৰে, তেন্তে মই বলীউডত কাম কৰি থকাৰ পিছত নিৰ্বাচনত কিয় প্ৰতিদ্বন্দিতা কৰিব নোৱাৰো? মই মুখ্যমন্ত্ৰী কিয় হ'ব নোৱাৰো? কেৱল আপোনাৰ আশীৰ্বাদৰ প্ৰয়োজন। 

২০২৪ চনত আপুনি মোক নিৰ্বাচনত প্ৰতিদ্বন্দিতা কৰা দেখিব," । উল্লেখ্য মথুৰাৰ সাংসদ হেমা মালিনীয়ে শনিবাৰে কৈছিল যে মথুৰাৰ পৰা যুঁজিবলৈ চলচ্চিত্ৰ শিল্পীসকলৰ আগ্ৰহ আছে। সকলোৰে মনত এনেকুৱা এটা ভাব আছে যে মথুৰাৰ প্ৰাৰ্থীগৰাকী ছবিৰ  তাৰকা হ'ব লাগিব । মথুৰাত এজন চলচ্চিত্ৰ তাৰকাৰেই  প্ৰয়োজন। কাইলৈ মানুহে ৰাখী সাৱন্তৰ নামো ল'ব পাৰে।

 হেমা মালিনীয়ে এনেদৰে মন্তব্য কৰাৰ পিছতে ৰাখীয়ে হেমাক কটাক্ষ কৰিবলৈ এই ভিডিঅ' এটা শ্বেয়াৰ কৰিছে। অৱশ্যে ভিডিঅ'টোত ৰাখীয়ে হেমা মালিনীকো ধন্যবাদো জনাইছে।

ভিডিঅ’টোত ৰাখী সাৱন্তই কৈছে যে তেওঁ নিৰ্বাচনত প্ৰতিদ্বন্দ্বিতা কৰিবলৈ সকলো ফালৰ সাজু হৈছে আৰু লগতে তেওঁ অতিশয় উৎসাহিত হৈছে। আনকি ৰাখী সাৱন্তই নিৰ্বাচনত ভালদৰে যুঁজিব বুলিও কৈছে আৰু নিজকে ‘স্মৃতি ইৰাণী পাৰ্ট ২’ বুলিও অভিহিত কৰিছে। ৰাখীয়ে ভিডিঅ’টোত অনুৰাগীসকলক সমৰ্থন কৰিবলৈ অনুৰোধ জনাইছে আৰু তেওঁলোকৰ সম্পূৰ্ণ সহযোগিতা আৰু সমৰ্থন বিচাৰিছে।