ডিজিটেল ডেস্কঃ খোদ যোগী ৰাজ্য উত্তৰ প্ৰদেশতে সংঘটিত হৈছে ১১টাকৈ গো-হত্যাৰ অভিযোগ। শস্য ধ্বংস হোৱাৰ বাবে কেইজনমান কৃষকে ক্ষোভৰ বশবৰ্তী হৈ ৰেল লাইনত দুই ডজন গৰু ঠেলি দিয়ে। ইয়াৰ পিছতে ৰে’লৰ আগত পৰি ১১টা গৰু মৃত্যু হয়। আন কেইবাটাও গৰু আহত হয়।
উত্তৰ প্ৰদেশৰ চম্বল জিলাত শনিবাৰে পুৱা সংঘটিত হয় এই ঘটনা। তাৰপাছতে সোঁপন্থী সংগঠনবিলাকে প্ৰতিবাদ সাব্যস্ত কৰে। অভিযুক্তৰ বিৰুদ্ধে ব্যৱস্থা গ্ৰহণৰ দাবী জনায়।
স্থানীয় ৰাইজৰ অভিযোগ যে গৰুবোৰে অঞ্চলটোত শস্য নষ্ট কৰি পেলাইছে। সেইবাবেই ক্ষুব্ধ কৃষকসকলে ৰেল লাইনত গৰুবোৰ এৰি দিছিল।
এই ঘটনাত সৰৱ হৈ পৰিছে স্থানীয় গোপালকসকলে। স্বঘোষিত গৰু ভিজিলেণ্ট অজয় প্ৰজাপতিয়ে কয়, ‘যোৱা দুমাহত এনে এক ডজনৰো অধিক ঘটনা সংঘটিত হৈছে। ৰেলপথত পেলাই দি গৰুবোৰক হত্যা কৰা হৈছে।'' লগতে এফআইআৰ দাখিল কৰিবলৈও অনুৰোধ জনায়।
Continue Reading
