ডিজিটেল ডেস্কঃ প্ৰকৃতিৰ সংহাৰ চলিছে যোশীমঠত । এতিয়ালৈকে যোশীমঠতমুঠ ৬৭৮ টা ঘৰত বৃহৎ ফাঁট মেলিছে। বহুতো পৰিয়ালে ভীতিগ্ৰস্ত হৈ ঘৰ এৰিব লগা হৈছে। হঠাতে বহু ঘৰ খহি পৰিছে। যোশীমঠলৈ যোৱা পথটোও ফাঁট মেলি বহল হৈ পৰিছে।
যোশীমঠৰ আন ৬৮ টা ঘৰত নতুনকৈ ফাঁট মেলা পৰিলক্ষিত হৈছে।
হিমালয়ৰ পাদদেশৰ চহৰ খনত ৬৮ টা ঘৰত ফাঁট মেলাৰ পিছতে প্ৰশাসনে আৱাসীসকলক সোনকালে স্থানান্তৰ কৰাৰ ব্যৱস্থা কৰিছে।
কেন্দ্ৰৰ প্ৰতিনিধিৰ দল এটাই যোশীমঠত উপস্থিত হৈ ঘটনাৰ পৰ্যবেক্ষণ কৰি আছে। দলটোক কেন্দ্ৰীয় গৃহ মন্ত্ৰালয়ে তালৈ প্ৰেৰণ কৰিছে। ইয়াৰ পূৰ্বে ৫ আৰু ৬ জানুৱাৰীত যোশীমঠৰ পৰিস্থিতি পৰীক্ষা কৰাৰ পিছত বিশেষজ্ঞৰ এটা দলে যোশীমঠৰ ক্ষতিগ্ৰস্ত ঘৰবোৰ তৎক্ষণাৎ ভাঙি পেলাব লাগে বুলি পৰামৰ্শ দিছিল। কেন্দ্ৰীয় প্ৰতিনিধিসকলৰ উপস্থিতিত মঙলবাৰে কামটো আৰম্ভ কৰা হৈছে।
বৰ্তমান, প্ৰশাসনৰ নটা দলে যোশীমঠত কাম কৰি আছে। ৩ ৰ পৰা ৪ জন সদস্যৰ এই দলবোৰে ঘৰে ঘৰে গৈ পৰিস্থিতি নিৰীক্ষণ কৰি আছে। বিপজ্জনক ঘৰবোৰ চিনাক্ত কৰা হৈছে। সোমবাৰে, দলটোৰ সদস্যসকলে যোশীমঠৰ চাৰিটা পৌৰ নিগম অঞ্চলত ১০০ তকৈও অধিক নতুন বিপজ্জনক ঘৰ চিনাক্ত কৰিছে। যোশীমঠৰ খেল পথাৰ, ৰাস্তা আদিতো বহল ফাঁট মেলিছে।
Continue Reading
