ডিজিটেল ডেস্ক
যুদ্ধৰ পৰা পিছ হুহুকি অহা জোৱানসকলক গুলীয়াই হত্যা কৰাৰ নিৰ্দেশ দিছে ৰাছিয়াৰ ৰাষ্ট্ৰপতি পুটিনে ! এই বিস্ফোৰক তথ্য প্ৰকাশ কৰিছে ব্ৰিটেইনৰ প্ৰতিৰক্ষা মন্ত্ৰালয়ে৷ ইউক্ৰেইনৰ সাম্প্ৰতিক পৰিস্থিতি সন্দৰ্ভত চোৰাংচোৱা সংস্থাৰ এটা আপডেট টুইট কৰি এই কথা স্পষ্ট কৰে৷
ৰাছিয়াৰ ৰাষ্ট্ৰপতি পুটিনে ইউক্ৰেইনৰ সৈতে চলি থকা যুদ্ধৰ পৰা পিছ হুহুকি অহা জোৱানসকলক গুলীয়াই হত্যা কৰাৰ নিৰ্দেশ দিছে বুলি সজোৰে টুইটটোত দাবী কৰা হৈছিল৷ ব্ৰিটেইনৰ দাবী অনুসৰি ইউনিট নিয়োজ কৰিছে ৰাছিয়াই৷
পুটিনৰ এই নিৰ্মম সতৰ্কবাণী অমান্য কৰা জোৱানসকলৰ শাস্তি স্বৰূপে মৃত্যুদণ্ড দিয়া হ’ব বুলি কঠোৰ হৈ পৰিছে পুটিন বাহিনী৷যোৱা ফ্ৰেব্ৰুৱাৰী মাহত এই যুদ্ধ আৰম্ভ হৈছিল৷
প্ৰথম অৱস্থাত ৰাছিয়া বাহিনী পৰাক্ৰমেৰে যুঁজিছিল যদিও সময় বাঢ়ি যোৱাৰ লগে -লগে ক্লান্ত হৈ পৰিছে সৈনিকসকল৷ সেয়েহে এনে কঠোৰ পদক্ষেপ গ্ৰহণ কৰি পুটিনে যুদ্ধ জয়ৰ মন মেলিছে বুলিও আশংকা কৰা হৈছে৷
প্ৰাৰম্ভিক অৱস্থাত ইউক্ৰেইনত ভয়ংকৰ আক্ৰমণ সংঘটিত কৰিছিল যদিও সময় বাগৰাৰ লগে লগে ৰুছ সৈন্যৰ আক্ৰমণাত্মক মনোভাৱ হ্ৰাস পাব ধৰাত পুটিনে শেহতীয়াকৈ এই সিদ্ধান্ত গ্ৰহণ কৰা বুলি ব্ৰিটেইনে দাবী কৰে।
Continue Reading
