যুৱক-যুৱতীসকলৰ মাজত বাঢ়িছে কৰ্কট ৰোগৰ সম্ভাৱনা! জানো আহক কি কয় বিশেষজ্ঞ সকলে...

কৰ্কট ৰোগৰ চিকিৎসক শুভদীপ চক্ৰৱৰ্তীয়ে সকীয়াই দিছে যে যুৱতীসকল স্তন কেন্সাৰত আক্ৰান্ত হোৱাৰ সম্ভাৱনা বেছি। দেশত মহিলাৰ মাজত স্তন কেন্সাৰৰ হাৰ ক্ৰমাগতভাৱে বৃদ্ধি পাইছে বুলি উল্লেখ কৰে আৰু ইয়াৰ ভিতৰত গ্ৰাম্য অঞ্চলৰ এক বৃহৎ অংশও অন্তৰ্ভুক্ত। স্তন কেন্সাৰৰ উপৰিও আন তিনিটা ক্ৰমে জৰায়ুৰ মুখ, জৰায়ু আৰু ডিম্বাশয়ৰ কৰ্কট ৰোগ। এতিয়া মহিলাৰ মাজত কেন্সাৰ অধিক হাৰত দেখা পোৱা গৈছে। মহিলাসকলে পেট ফুলা, ওজন বৃদ্ধি, পাচনতন্ত্ৰৰ সমস্যা, ঋতুস্ৰাৱৰ পিছত ৰক্তক্ষৰণ, ঋতুস্ৰাৱ অনিয়মিত হোৱা আদি সমস্যাবোৰ দীৰ্ঘদিনলৈ আওকাণ কৰাৰ প্ৰৱণতা থাকে।অজ্ঞানতাই কৰ্কট ৰোগ বৃদ্ধিৰ অন্যতম ডাঙৰ কাৰণ চিকিৎসকে উল্লেখ কৰে৷ ইয়াৰ উপৰিও ৩৪ৰ পৰা ৩৫ বছৰ বয়সত প্ৰথম সন্তান জন্ম দিলে স্তন কেন্সাৰ হোৱাৰ সম্ভাৱনা বৃদ্ধি পায় বুলি উল্লেখ কৰে। ইয়াৰ উপৰিও আজিৰ বহু মহিলাই সন্তানক স্তনপান কৰাব নিবিচাৰে ইয়াৰ বাবে স্তন কেন্সাৰৰ সম্ভাৱনাও বহু পৰিমাণে বৃদ্ধি কৰে বুলি চিকিৎসকে উল্লেখ কৰিছে৷

উল্লেখ্য যে কৰ্কট ৰোগ হঠাতে নহয়। ইয়াৰ বীজ বহুদিনৰ পৰাই শৰীৰত ৰোপিত হয়। অনিয়ন্ত্ৰিত খাদ্যাভ্যাসো কৰ্কট ৰোগৰ অন্যতম কাৰণ। আজিৰ শিশুসকলৰ মাজত সুষম খাদ্যৰ পৰিৱৰ্তে প্ৰচেছড খাদ্য খোৱাতো অভ্যাসত পৰিণত হৈছে। এই সকলোবোৰ খাদ্যতে এনে ৰাসায়নিক পদাৰ্থ থাকে যিয়ে কেন্সাৰ হোৱাৰ সম্ভাৱনা বৃদ্ধি কৰে। চিকিৎসকৰ মতে চচ্চেজ আৰু বাৰ্গাৰ তৈয়াৰ কৰিবলৈ ব্যৱহাৰ কৰা বহুতো সুপৰিচিত ব্ৰেণ্ডৰ প্ৰচেছড মাংসত বিশেষ হৰম’ন বেজী দিয়া হয় যাতে মাংসৰ সোৱাদ বৃদ্ধি পায়। এই হৰম’ন যদি মানুহৰ শৰীৰত প্ৰৱেশ কৰে তেন্তে ই মানৱ শৰীৰৰ প্ৰাকৃতিক হৰম’নৰ ভাৰসাম্য বিঘ্নিত কৰিব পাৰে৷যি কৰ্কট ৰোগৰ বাহক হ’ব পাৰে।

নিউক্লিয়াৰ মেডিচিনৰ চিকিৎসক সোণালী ঘোষে কয় যে যুৱক-যুৱতীসকলৰ মাজত বৃহদান্ত্ৰ আৰু অগ্নাশয়ৰ কৰ্কট ৰোগৰ সম্ভাৱনা বৃদ্ধি পাইছে। ইয়াৰোপৰি যুৱক-যুৱতীসকলৰ মাজত মুখ আৰু ডিঙিৰ কৰ্কট ৰোগ ক্ৰমাগতভাৱে বৃদ্ধি পোৱা বুলি উল্লেখ কৰিছে। ধঁপাতৰ বিভিন্ন সামগ্ৰী, যেনে-চিগাৰেট বা বিড়ি, গুটখা, জৰ্দা, খইনী আদিৰ পৰা মুখ আৰু ডিঙিৰ কৰ্কট ৰোগৰ আশংকা বাঢ়িছে। মুখ আৰু ডিঙিৰ কৰ্কট ৰোগ এটা ঠাইত নাথাকে, ক্ৰমান্বয়ে লিম্ফ ন’ড আনকি হাওঁফাওঁলৈও বিয়পি পৰে। এতিয়া দেখা গৈছে যে মুখ আৰু ডিঙিৰ কৰ্কট ৰোগত আক্ৰান্তসকলৰ এক বৃহৎ অংশ ৪০ৰ পৰা ৬০ বছৰৰ ভিতৰত আৰু ১৮-২৫ বছৰ বয়সৰ শিশুও এই ৰোগত আক্ৰান্ত হৈ আছে বুলি উল্লেখ কৰে।

মহামাৰী হৈ পৰা আন এটা কেন্সাৰ হৈছে ছাৰ্ভাইকেল কেন্সাৰ। বিশ্ব স্বাস্থ্য সংস্থাৰ পৰিসংখ্যা অনুসৰি ভাৰতত প্ৰতি পাঁচগৰাকী মহিলাৰ ভিতৰত এগৰাকী ছাৰ্ভাইকেল কেন্সাৰ ৰোগত মৃত্যুৰ হৈছে৷  বৰ্তমান দেশৰ প্ৰায় ১ লাখ ৫০ হাজাৰ মহিলা প্ৰতি বছৰে এই কৰ্কট ৰোগত আক্ৰান্ত হয় বুলি তথ্য প্ৰকাশ পাইছে। অত্যধিক মদ্যপান, ঋতুস্ৰাৱৰ সময়ত পৰিষ্কাৰ-পৰিচ্ছন্নতাৰ অভাৱ, অসুৰক্ষিত যৌন সম্পৰ্ক, আৰু অত্যাধিক গৰ্ভনিৰোধক বড়ি খোৱাৰ অভ্যাস ইয়াৰ প্ৰধান কাৰণ। সজাগতাৰ অভাৱে এই কৰ্কট ৰোগৰ আশংকা বৃদ্ধি কৰিছে যদিও আগতীয়াকৈ ধৰা পৰিলে এই ৰোগ সম্পূৰ্ণৰূপে আৰোগ্য লাভ কৰিব পৰা যায় বুলি চিকিৎসক সকলে প্ৰকাশ কৰিছে।সম্প্ৰতি পেপ স্মিয়ৰ, এইচ পি ভি, ভি আই এ, কলপস্কপি আদি বহুতো সহজ পদ্ধতি থকাৰ পিছতো ২৫ বছৰৰ ওপৰৰ বেছিভাগ মহিলাই বছৰত এবাৰ এই নিয়মীয়া পৰীক্ষাৰ প্ৰতি উদাসীন হোৱা দেখা যায় বুলি। চিকিৎসকসকলে লগতে কয় যে অনিয়ন্ত্ৰিত জীৱনশৈলীৰ বাবে বিগত ২০ বছৰত পেট আৰু বৃহদান্ত্ৰৰ কৰ্কট ৰোগৰ হাৰ ৮ শতাংশৰ পৰা ১৬ শতাংশলৈ বৃদ্ধি পাইছে।

কেন্সাৰৰ সম্ভাৱনা হ্ৰাস কৰিবলৈ হ’লে মধ্যমীয়া জীৱনশৈলী গ্ৰহণ কৰিব লাগিব।চিকিৎসক অৰুণাংছু তালুকদাৰৰ মতে, কেন্সাৰৰ পৰা মুক্তি পাবলৈ দুটা উপায় আছে- ‘প্ৰিভেনচন অংক’লজী’।অৰ্থাৎ কেন্সাৰৰ বাবে দায়ী অভ্যাস যেনে ধূমপান, ধঁপাত চোবাই খোৱা, মদ খোৱা, খাদ্যৰ পৰিৱৰ্তন কৰা আদি অভ্যাস এৰি দিয়া। দ্বিতীয় পদ্ধতিটো হৈছে ‘আগতীয়া ধৰা পেলোৱা’ অৰ্থাৎ নিয়মীয়াকৈ পৰীক্ষা-নিৰীক্ষাৰ প্ৰয়োজন।যিসকলৰ পাৰিবাৰিক কেন্সাৰৰ ইতিহাস আছে তেওঁলোকে আৰু অধিক সচেতন হোৱাটো প্ৰয়োজন বুলি উল্লেখ কৰে।

আটাইতকৈ গুৰুত্বপূৰ্ণ কথাটো হৈছে ওজন নিয়ন্ত্ৰণ। সৰুৰে পৰা খাদ্যাভ্যাস বেয়া হ’লে পিছলৈ মেটাবলিক চিনড্ৰম হ’ব পাৰে, যাৰ ফলত পেট, অগ্নাশয়, বৃহদান্ত্ৰৰ কৰ্কট ৰোগ হোৱাৰ সম্ভাৱনা বৃদ্ধি পায়। আৰু সকলো ধৰণৰ জাংক ফুড আৰু কৃত্ৰিম ৰঙৰ খাদ্য খোৱা বন্ধ কৰিব লাগে, আৰু অধিক আঁহযুক্ত খাদ্য যেনে শস্য, বাদাম, গুটি, শাক-পাচলি, ফল-মূল আদি খাব লাগে। নিয়মীয়া ব্যায়ামৰ অবিহনে কোনো বিকল্প নাই।আৰু ত্ৰিশ বছৰ বয়সৰ পিছত কিছুমান স্ক্ৰীনিং টেষ্ট কৰাটো গুৰুত্বপূৰ্ণ। উদাহৰণস্বৰূপে, মহিলাসকলৰ বাবে মাহেকীয়া স্তন পৰীক্ষা, বাৰ্ষিক মেম’গ্ৰাফী, পেপ পৰীক্ষা আদি কৰাটো গুৰুত্বপূৰ্ণ। পুৰুষৰ বাবে ‘পি এছ এ টেষ্ট’ বা ‘প্ৰষ্টেট স্পেচিফিক এন্টিজেন টেষ্ট’ কৰাটো ভাল।