১ আগষ্টৰ পৰা সলনি হ’ব এইসমূহ নিয়ম, জানি লওক ক’ত ক’ত পৰিব প্ৰভাৱ?

ডিজিটেল ডেস্ক : ১ আগষ্টৰ পৰা সলনি হ’ব এইসমূহ নিয়ম, পোনে পোনে প্ৰভাৱ পেলাব পাৰে আপোনাৰ বাজেটত। প্ৰতি মাহৰ দৰে এইবাৰো কিছু পৰিৱৰ্তন হ’বলৈ গৈ আছে। গেছৰ মূল্যৰ উপৰি ইয়াত বেংকিং ব্যৱস্থাৰ সৈতে জড়িত কিছুমান আপডেটো অন্তৰ্ভুক্ত কৰা হৈছে। নিয়মৰ পৰিৱৰ্তনে আপোনাৰ ওপৰত প্ৰত্যক্ষ প্ৰভাৱ পেলাব পাৰে। ইয়াৰ উপৰি বেংকসমূহতো প্ৰতি মাহৰ তুলনাত এই মাহত অধিক বন্ধ থাকিব। ১ আগষ্টৰ পৰা হোৱা পৰিৱৰ্তনৰ বিষয়ে জানো আহক।

 ১. Bank Of Baroda চেক পেমেন্ট ব্যৱস্থা-

যদি আপোনাৰ একাউণ্ট বেংক অব বৰোদা (BOB)ত আছে, তেন্তে এই খবৰটো আপোনাৰ বাবে উল্লেখনীয়। কাৰণ ১ আগষ্টৰ পৰা বেংক অব বৰোদাত চেকযোগে ধন পৰিশোধ কৰাৰ নিয়ম সলনি হ’বলৈ গৈ আছে। আৰ বি আইৰ নিৰ্দেশনা অনুসৰি বেংক অব বৰোদাই গ্ৰাহকক জনাইছে যে ১ আগষ্টৰ পৰা ৫ লাখ বা ​​তাতোকৈ অধিক পৰিমাণৰ চেকৰ বাবে পজিটিভ পে ব্যৱস্থা কাৰ্যকৰী কৰা হৈছে। ইয়াৰ অধীনত বেংকে চেক সম্পৰ্কীয় তথ্যসমূহ এছএমএছ, নেট বেংকিং বা মোবাইল এপৰ জৰিয়তে দিব লাগিব।

 ২. ৰন্ধন গেছৰ দাম-

প্ৰতি মাহৰ দৰেই এইবাৰ ১ আগষ্টৰ পৰাও গেছ চিলিণ্ডাৰৰ দাম সলনি হোৱাৰ সম্ভাৱনা আছে। কোম্পানীয়ে ঘৰুৱা আৰু বাণিজ্যিক দুয়োটা গেছ চিলিণ্ডাৰৰ মূল্য সলনি কৰিব পাৰে। সূত্ৰই জনোৱা মতে, এইবাৰ এটা চিলিণ্ডাৰৰ হাৰ ২০ৰ পৰা ৩০ টকালৈ সলনি হ’ব পাৰে। অনুমান কৰা হয় যে যোৱাবাৰ বাণিজ্যিক গেছ চিলিণ্ডাৰ সস্তা আছিল, আনহাতে ঘৰুৱা গেছ চিলিণ্ডাৰ ৫০ টকা বৃদ্ধি কৰা হৈছিল।

 ৩. ১৮দিনপৰ্যন্ত বন্ধ থাকিব বেংক-

এইবাৰ আগষ্ট মাহত আহি আছে মহৰম, ৰক্ষাবন্ধন, স্বাধীনতা দিৱস, কৃষ্ণ জন্মাষ্টমী, গণেশ চতুৰ্থী আদি বহুতো উৎসৱ। এই কাৰণতে এইবাৰ বিভিন্ন ৰাজ্যকে ধৰি মুঠ ১৮দিনৰ বাবে বন্ধ থাকিব বেংক। ভাৰতীয় ৰিজাৰ্ভ বেংকেও নিজৰ তালিকাত ঘোষণা কৰিছে যে আগষ্ট মাহত কেইবাদিন ধৰি বন্ধ থাকিব বেংক। দ্বিতীয় আৰু চতুৰ্থ শনিবাৰ আৰু চাৰিটা দেওবাৰকে ধৰি এই মাহত মুঠ ১৮দিনপৰ্যন্ত বন্ধ থাকিব বেংক।