ডিজিটেল ডেস্ক: লোকসভা আৰু ৰাজ্যসভাত গৃহীত হ’ল মহিলা সংৰক্ষণ বিধেয়ক৷ সুদীৰ্ঘ ২৭ বছৰৰ অন্তত উভয় সংসদত গৃহীত হ’ল এই বিশেষ বিধেয়ক৷ বৃহস্পতিবাৰে নিশা উচ্চ সদনত এই বিধেয়ক গৃহীত হোৱাৰ পাছত আজি কংগ্ৰেছ সাংসদ ৰাহুল গান্ধীয়ে সম্বোধন কৰে এখন সংবাদমেল৷
শুকুবাৰে সংবাদমেলত ৰাহুল গান্ধীয়ে মহিলা সংৰক্ষণ বিধেয়কৰ প্ৰশংসা কৰা দেখা গ’ল৷ কিন্তু একেসময়তে গান্ধীয়ে এই বিধেয়কক জাতিগত লোকপিয়লৰ দাবীৰ পৰা বিভ্ৰান্তি আৰু বিচ্যুতিৰ কৌশল বুলিও অভিহিত কৰে৷
সংবাদমেলত ৰাহুল গান্ধীয়ে কয়, মহিলা সংৰক্ষণ এটা ভাল কথা৷ কিন্তু আমি দুটা বিষয় অত্যন্ত গুৰুত্বপূৰ্ণ৷ এটা হ’ল বিধেয়কখন ৰূপায়ণৰ আগতে লোকপিয়ল কৰিব লাগিব আৰু দ্বিতীয়টো হ'ল সীমা নিৰ্ধাৰণ।
বিধেয়কখন ৰূপায়ণৰ সময়সীমা সন্দৰ্ভত প্ৰশ্ন উত্থাপন কৰি ৰাহুল গান্ধীয়ে কয়, কোনেও নাজানে যে ইয়াক কাৰ্যকৰী কৰা হ’ব নে নাই। এইটো এটা বিভ্ৰান্তি আৰু অ’বিচি লোকপিয়লৰ পৰা জনদৃষ্টি আঁতৰোৱাৰ এক কৌশল। সঁচা কথাটো হ'ল যে সংৰক্ষণটো আজিয়ে কাৰ্যকৰী কৰিব পাৰি। এইটো এটা জটিল বিষয় নহয়, কিন্তু চৰকাৰে সেইটো কৰিব নিবিচাৰে। চৰকাৰে এইটো দেশৰ সন্মুখত এতিয়া উপস্থাপন কৰিছে কিন্তু এতিয়াৰ পৰা ১০ বছৰৰ পাছত ইয়াক কাৰ্যকৰী কৰা হ’ব৷
২০১০ত ইউপিএ-এ উত্থাপন কৰা বিধেয়কৰ অধীনত অ’বিচি কোটা প্ৰদান নকৰাৰ বাবে তেওঁ দুঃখিত নেকি বুলি সোধাত ৰাহুল গান্ধীয়ে কয়, ১০০ শতাংশ অনুশোচনা আছে। এইটো তেতিয়া কৰা উচিত আছিল। আমি এইটো সম্পন্ন কৰিম।
বৃহস্পতিবাৰে ৰাজ্যসভাত উপস্থিত থকা ২১৪জন আইন প্ৰণেতাই ইয়াৰ সপক্ষে ভোট দিয়াৰ পিছত সংসদই মহিলা সংৰক্ষণ বিধেয়ক গৃহীত কৰে।
বিধেয়কখন গৃহীত হোৱাৰ পাছত প্ৰধানমন্ত্ৰী মোদীয়ে এই বিধেয়কখন সমৰ্থন কৰাৰ বাবে সাংসদসকলক ধন্যবাদ জ্ঞাপন কৰে।
নাৰী শক্তি বন্দন অধিনিয়ম বুলি উল্লেখ কৰা ১২৮সংখ্যক সংবিধান সংশোধনী বিধেয়কৰ বাবে এতিয়া সংখ্যাগৰিষ্ঠ ৰাজ্যিক বিধানসভাৰ অনুমোদনৰ প্ৰয়োজন হ’ব।
লোকপিয়লৰ ওপৰত ভিত্তি কৰি সংসদীয় আৰু বিধানসভা সমষ্টিসমূহ পুনৰ নিৰ্ধাৰণ কৰিবলৈ সীমা নিৰ্ধাৰণৰ অনুশীলনৰ পাছতৰে ইয়াক কাৰ্যকৰী কৰা হ’ব, যিটো প্ৰক্ৰিয়া চৰকাৰে অহা বছৰ আৰম্ভ কৰা হ’ব বুলি সদৰী কৰিছে৷
Continue Reading
