ডিজিটেল ডেস্ক: এটা বিশেষ ম’হ৷ ৰূপে-গুণে বিভূষিত এই ম’হটো সাধাৰণভাৱে চৰি ফুৰা ম’হৰ দৰে নহয়৷ বিহাৰৰ ৰাজধানী পাটনাত আকৰ্ষণৰ কেন্দ্ৰ হৈ পৰিছে ম’হটো৷ ম’হটোৰ দাম ১০ কোটি টকা৷ হয় প্ৰিয় পঢ়ুৱৈ, আপুনি আচৰিত হ’লেও এয়াই সত্য৷ এই ১০ কোটিটকীয়া মূল্যৰ ম’হটোৱে এতিয়া খলকনি তুলিছে পাটনাত৷
পাটনাৰ পশু চিকিৎসা ক্ষেত্ৰত চলি আছে ‘বিহাৰ ডেইৰী এণ্ড কেটেল এক্সপো’৷ এই এক্সপোলৈকেই অনা হৈছে ১০ কোটি টকাৰ এটা ম’হ৷ এই ম’হটো চাবলৈ এতিয়া সোঁত বৈছে জনতাৰ৷ তথ্য অনুসৰি, ভোলু নামৰ এই ম’হটো হাৰিয়ানাৰ পৰা অনা হৈছে। এই ম’হটো মুৰাহ প্ৰজাতিৰ। ম’হটোৰ গৰাকীয়ে কৈছে যে ম’হটোৰ মূল্য দহ কোটি টকালৈকে নিৰ্ধাৰণ কৰা হৈছে। অকল ইমানেই নহয় ম’হটোৰ গৰাকী নৰেন্দ্ৰ সিঙে ৰাষ্ট্ৰপতিৰ পৰা পদ্মশ্ৰীও লাভ কৰিছে। ম’হটোৰ বিশেষত্ব এয়াই যে ম’হটো প্ৰজননৰ বাবে ব্যৱহাৰ কৰা হয়।
গৰাকী নৰেন্দ্ৰ সিঙে কৈছিল যে তেওঁ প্ৰতিদিনে ম’হটোক সাধাৰণ পশুখাদ্য খুৱায়। প্ৰতি মাহে খৰচ হয় প্ৰায় ৫০ৰ পৰা ৬০ হাজাৰ টকা।
ইয়াৰ পূৰ্বে মিৰাটৰ চৰ্দাৰ বল্লভভাই পেটেল কৃষি বিশ্ববিদ্যালয়ত তিনিদিনীয়া সৰ্বভাৰতীয় কিষাণ মেলাত ম’হটোক নিয়া হৈছিল। মিৰাট কিষাণ মেলাত ম’হটোৰ উচ্চতা দেখি সকলোৱে আচৰিত হৈছিল। ভোলুৱে প্ৰতিদিনে ৩০ কিলোগ্ৰাম শুকান সেউজীয়া পশুখাদ্য, ৭ কিলোগ্ৰাম ঘেঁহু ভক্ষণ কৰে৷ ম’হটো ক্ৰয় কৰিবলৈ এতিয়া গ্ৰাহকে হেতা-ওপৰা লগাইছে যদিও নৰেন্দ্ৰ সিঙে বিক্ৰী কৰিবলৈ আগ্ৰহী নহয়৷
Continue Reading
