ডিজিটেল ডেস্কঃ প্ৰতিৰক্ষা মন্ত্ৰী ৰাজনাথ সিঙৰ অধ্যক্ষতাত অনুষ্ঠিত প্ৰতিৰক্ষা অধিগ্ৰহণ পৰিষদে শুকুৰবাৰে প্ৰায় ৪৫,০০০ কোটি টকাৰে কেইবাখনো এছইউ-৩০ এমকেআই বিমান ক্ৰয়ত অনুমোদন জনায়৷ প্ৰতিৰক্ষা মন্ত্ৰালয়ে এই কথা প্ৰকাশ কৰিছে৷
বিশেষ সূত্ৰই প্ৰকাশ কৰা মতে হিন্দুস্তান এৰোনটিক্স লিমিটেডৰ (এইচএএল) সৈতে সম্পৰ্কিত সঁজুলিৰ সৈতে ১২ খন এছইউ-৩০ এমকেআই বিমান ক্ৰয়ৰ বাবে অনুমোদন জনোৱা হৈছে৷
প্ৰতিৰক্ষা মন্ত্ৰালয়ৰ মতে, সুৰক্ষা, গতিশীলতা, আক্ৰমণ প্ৰতিহত কৰা আৰু যান্ত্ৰিক ক্ষমতা বৃদ্ধি কৰাৰ বাবে ডিএচিয়ে লাইট আৰ্মৰ্ড মাল্টিপাৰপজ ভেহিকেল (এলএএমভি) আৰু ইণ্টিগ্ৰেটেড চাৰ্ভিলেঞ্চ এণ্ড টাৰ্গেটিং চিষ্টেম (আইএছএটি-এছ) ক্ৰয়ৰ বাবে এই অনুমোদন প্ৰদান কৰে।
ডিএচিয়ে ভাৰতীয় নৌসেনাৰ বাবে পৰৱৰ্তী প্ৰজন্মৰ জৰীপ জাহাজ ক্ৰয়ৰ বাবেও অনুমোদন জনাইছে৷ এই জাহাজে হাইড্ৰ'গ্ৰাফিক অভিযান সম্পাদন কৰাৰ ক্ষেত্ৰত সহায় কৰিব ৷
Continue Reading
