ৰাজস্থানত কংগ্ৰেছ পুনৰ জিকিলে পৰৱৰ্তী মুখ্যমন্ত্ৰী কোন হ'ব? কি ক’লে শচীন পাইলটে

 ৰাজ্য খনৰ  প্ৰাক্তন উপ মুখ্যমন্ত্ৰীগৰাকীয়ে কয় যে দলটো সকলোৰে অগ্ৰাধিকাৰৰ ভিত্তিত আগবাঢ়ি যাব৷ হায়দৰাবাদত কংগ্ৰেছ ৱৰ্কিং কমিটিৰ বৈঠকত পাইলটে কৈছিল  যে কংগ্ৰেছে ২০১৮ ৰ ৰাজস্থান নিৰ্বাচনত দিয়া সকলো নিৰ্বাচনী প্ৰতিশ্ৰুতি পালন কৰিছে আৰু সেয়েহে তেওঁ বিশ্বাস কৰে যে  দলটোৱে  বিজেপিক পৰাজিত কৰিবলৈ সক্ষম হ'ব। অশোক গেহলটৰ দৰে এজন শীৰ্ষ  নেতা তথা  মুখ্যমন্ত্ৰী থকা স্বত্বেও দলটোৱে সামূহিক নেতৃত্বৰে নিৰ্বাচনৰ বাবে সাজু কিয় হ’ব বিচাৰিছে বুসি সাংবাদিকে সোধাত পাইলটে কয় যে কেৱল ৰাজস্থানতে নহয়, সমগ্ৰ দেশতে কংগ্ৰেছত পৰম্পৰা আৰু সকলোৰে গুৰুত্ব বজাই ৰখা হৈছে৷  তেওঁ কয়  "এবাৰ আমি জয়ী হ'লে আৰু সংখ্যাগৰিষ্ঠতা লাভ কৰাৰ পিছত, বিধায়ক আৰু দলৰ নেতৃত্বই সিদ্ধান্ত লয় কোনে বিধায়িনী দলৰ নেতৃত্ব দিব। এয়া  নতুন কথা নহয়। কেইবা দশক ধৰি এই প্ৰথা চলি আহিছে ৷ আমি অহা কেইমাহমানৰ ভিতৰত নিৰ্বাচন অনুষ্ঠিত কৰিবলৈ গৈ আছো, ৰাজস্থানতো  একেই নীতি অনুসৰণ কৰা হ'ব," তেওঁ কয়।