চাইবাৰ অপৰাধৰ বাবে কুখ্যাত ‘জামতাৰা গেঙ’ৰ সৈতে জড়িত থকাৰ অভিযোগত দিল্লী আৰক্ষীয়ে গ্ৰেপ্তাৰ কৰিছে এজন যুৱকক। দিল্লী আৰক্ষীৰ সূত্ৰৰ উদ্ধৃতি দি শুকুৰবাৰে ঝাৰখণ্ডৰ জামতাৰাৰ পৰা দিলৱাৰ হুছেইন নামৰ যুৱকজনক গ্ৰেপ্তাৰ কৰাৰ তথ্য পোহৰলৈ আহিছে৷

Listen to Article

2 min read

80%

ডিজিটেল ডেস্কঃ চাইবাৰ অপৰাধৰ বাবে কুখ্যাত ‘জামতাৰা গেঙ’ৰ সৈতে জড়িত থকাৰ অভিযোগত দিল্লী আৰক্ষীয়ে গ্ৰেপ্তাৰ কৰিছে এজন যুৱকক। দিল্লী আৰক্ষীৰ সূত্ৰৰ উদ্ধৃতি দি শুকুৰবাৰে ঝাৰখণ্ডৰ জামতাৰাৰ পৰা দিলৱাৰ হুছেইন নামৰ যুৱকজনক গ্ৰেপ্তাৰ কৰাৰ তথ্য পোহৰলৈ আহিছে৷

ঘটনা অনুসৰি দিলৱাৰে এটা জনপ্ৰিয় এপৰ বাবে ‘গ্ৰাহক সহায় সেৱা’ প্ৰদান কৰি বহু লোকক প্ৰতাৰণা কৰাৰ অভিযোগ উত্থাপন হৈছে। এজন ব্যক্তিৰ ৩ লাখ ২০ হাজাৰ টকাৰ চাইবাৰ জালিয়াতিৰ তদন্তৰ পিছতে ঝাৰখণ্ডৰ জামতাৰাৰ পৰা দিলৱাৰৰ সন্ধান উলিয়াই গ্ৰেপ্তাৰ কৰে।

দিল্লী আৰক্ষীয়ে জনোৱা মতে, তদন্তত ১২ লাখৰো অধিক টকাৰ চাইবাৰ জালিয়াতিৰ তথ্য পোহৰলৈ আহিছে। দিলৱাৰৰ ৮টা বেংক একাউণ্টৰ লেনদেন ট্ৰেচ কৰাৰ পিছত তেওঁক গ্ৰেপ্তাৰ কৰা হয়৷

উল্লেখযোগ্য যে,ঝাৰখণ্ডৰ ৰাজধানী ৰাঁচীৰ পৰা ২০০ কিলোমিটাৰ দূৰত্বত থকা জামতাৰাক ‘ভাৰতৰ চাইবাৰ অপৰাধৰ ৰাজধানী’ বুলি কোৱা হয়। অপৰাধৰ ধাৰা হ্ৰাস কৰিবলৈ আৰক্ষী আৰু সংশ্লিষ্ট জিলা প্ৰশাসনৰ উদ্যোগত শেহতীয়াকৈ জামতাৰাৰ ১১৮খন পঞ্চায়তত বিশেষ প্ৰশিক্ষণ শিবিৰ অনুষ্ঠিত কৰা হৈছে।