ডিজিটেল ডেস্কঃ পৃথিৱীৰ আটাইতকৈ দীঘলীয়া জীৱন অতিবাহিত কৰা মহিলাগৰাকী আৰু নাই৷ ১২৮ বছৰ বয়সত তেওঁ চিৰদিনৰ বাবে চকু মুদিছে৷ দক্ষিণ আফ্ৰিকাত বাস কৰা জোহানা মাজিবুকোৰ বয়স মৃত্যুৰ সময়ত হৈছিল ১২৮ বছৰ। তেওঁৰ জন্ম ১৮৯৪ চনত হৈছিল।
চলিত বৰ্ষৰ চনৰ মে’ মাহত তেওঁ ১২৯ বছৰীয়া হ'লহেঁতেন। জোহানা মাজিবুকো বিশ্বত বহু উত্থান-পতনৰ সাক্ষী হৈছিল৷ডেইলী মেইলৰ বাতৰি অনুসৰি দক্ষিণ আফ্ৰিকাত জোহানা মাগিবুকোৰ মৃত্যু হৈছে।তেওঁৰ দীঘলীয়া জীৱন তিনি খন দেশত অতিবাহিত হৈছিল। তেওঁৰ স্বামীৰ নাম আছিল ষ্টাভানা মাজিবুকো। তেওঁলোকৰ ৭ টা সন্তান আছিল। লগতে ৫০ টাতকৈও অধিক নাতি-নাতিনী আছে। এক সাক্ষাৎকাৰত জোহান্নাই কৈছিল যে তেওঁৰ মুঠ ১২ গৰাকী ভাই-ভনী আছিল। যাৰ ভিতৰত ৩ গৰাকী এতিয়াও জীয়াই আছে। তেওঁলোকৰ বয়সো যথেষ্ট বেছি হৈ গৈছে। জোহানাৰ পৰিয়ালৰ মতে জোহানাই কেতিয়াও বিদ্যালয়লৈ যোৱা নাছিল।
এখন নথিত তেওঁৰ জন্ম তাৰিখ ১১ মে’ মে ১৮৯৪ বুলি লিখা আছে । জোহানাৰ পৰিয়ালে কয় যে সেই নথিখনৰ আধাৰতে জোহানাৰ নাম গিনিজ বুক অফ ৱৰ্ল্ড ৰেকৰ্ডছত লিপিবদ্ধ কৰিব লাগে, যাতে তেওঁ মৃত্যুৰ পিছতো সন্মান লাভ কৰিব পাৰে। জোহানাৰ বৰ্ধিত বয়স তেওঁৰ বাবে সমস্যাৰ কাৰণ হৈ পৰিছিল। ২০২২ চনত তেওঁ নিজেই কৈছিল, "মই এতিয়াও কিয় জীয়াই আছোঁ? মোৰ লগৰ সকলোৰে ইতিমধ্যে মৃত্যু হৈছে। মই কেতিয়া মৰিম? মই ভাগৰি পৰিছো। মোৰ শৰীৰ জড় হৈ পৰিছে। মই খোজ কাঢ়িব নোৱাৰো। মই শুবও নোৱাৰো। এনেকৈ জীয়াই থকাৰ অৰ্থ কি?"
Continue Reading
