ডিজিটেল ডেস্কঃ কথাতে আছে নেদেখাজনে জীয়াই ৰাখিম বুলি ভাবিলে কোনো পৰিস্থিতিয়েই মানুহৰ মৃত্যু ঘটাব নোৱাৰে৷ তুৰস্কত সোমবাৰে সংঘটিত ৭.৮ প্ৰাবল্যৰ ভূমিকম্পৰ পিছত এতিয়ালৈকে ২৮,০০০ লোকৰ মৃত্যু হৈছে, ৬,০০০ অট্টালিকা খহি পৰি ধূলিৰ সৈতে মিলি গৈছে , শ শ আফটাৰশ্বক এতিয়াও আহিয়েই আছে৷
কিন্তু ধ্বংস আৰু হতাশাৰ মাজত জীয়াই থকাৰ জীৱনৰ অস্তিত্বৰ অলৌকিক কাহিনীও ক্ৰমে পোহৰলৈ আহিছে। শেহতীয়াকৈ তুৰ্কীৰ হাতাইত ধ্বংসস্তূপৰ মাজৰ পৰা এটি দুমহীয়া কেঁচুৱাক উদ্ধাৰ কৰা হৈছে৷ ভূমিকম্পৰ প্ৰায় ১২৮ ঘণ্টা পিছত শিশুটিক জীৱিত অৱস্থাত পোৱাৰ কথাই সকলোকে আনন্দিত কৰি তুলিছে৷ হাজাৰ হাজাৰ উদ্ধাৰকাৰী কৰ্মীয়ে এতিয়াও হিমশীতল বতৰৰ স্বত্বেও বিধ্বস্ত অঞ্চলত দিনে-নিশাই চলাই গৈছে উদ্ধাৰ অভিযান৷
তুৰ্কীৰ সংবাদ মাধ্যমৰ বাতৰি অনুসৰি ভূমিকম্পৰ পাঁচ দিন পিছত উদ্ধাৰ হোৱা সকলৰ ভিতৰত এটি দুবছৰীয়া ছোৱালী, এগৰাকী ছয় মাহৰ গৰ্ভৱতী মহিলা আৰু এগৰাকী ৭০ বছৰীয়া মহিলাও আছে। উল্লেখ্য ২০০৩ চনত চুবুৰীয়া ইৰাণত ভূমিকম্পৰ ফলত নিহত হৈছিল ৩১,০০০ জন লোকৰ৷
এইবাৰ সেই সংখ্যা বহু বেছি হৈছে৷ তুৰ্কীত এতিয়ালৈকে মৃত্যুৰ সংখ্যা ২৪,৬১৭ জন হৈছে৷ এয়াই ১৯৩৯ চনৰ পিছত দেশখনত হোৱা আটাইতকৈ ভয়ংকৰ ভূমিকম্প। চিৰিয়াত এইবাৰ ৩,৫০০ ৰো অধিক লোকৰ মৃত্যু হৈছে৷
Continue Reading
