বাংলাদেশৰ নতুন ৰাষ্ট্ৰপতি হৈছে মনোনীত প্ৰাক্তন স্বাধীনতা সংগ্ৰামী শ্বাহবুদ্দিন চুপ্পু

প্ৰাক্তন স্বাধীনতা সংগ্ৰামী আৰু প্ৰবীণ ৰাজনীতিবিদ শ্বাহবুদ্দিনে বৰ্তমান বাংলাদেশৰ শাসনাধিষ্ঠ আৱামী লীগত এক গুৰুত্বপূৰ্ণ পদত অধিষ্ঠিত হৈ আছে। তেওঁ এজন প্ৰাক্তন বিচাৰকো। এসময়ত তেওঁ এচিচিৰ কাৰ্যকৰী অধ্যক্ষ হিচাপেও কাৰ্যনিৰ্বাহ কৰিছিল। প্ৰধানমন্ত্ৰী শ্বেখ হাছিনাই শ্বাহবুদ্দিনক বাংলাদেশৰ নতুন ৰাষ্ট্ৰপতি হিচাপে মনোনীত কৰিছে।আৱামী লীগৰ সাধাৰণ সম্পাদক ওবাইডুল কাদেৰে দেওবাৰে দলৰ প্ৰাৰ্থী হিচাপে নিৰ্বাচন আয়োগৰ ওচৰত শ্বাহবুদ্দিনৰ নাম দাখিল কৰে। প্ৰবীণ ৰাজনীতিবিদ শ্বাহবুদ্দিন বাংলাদেশৰ প্ৰধানমন্ত্ৰীৰ এজন 'বিশ্বাসী' লোক বুলি জনা যায়। যোৱা বছৰ হাছিনাই তেওঁক আৱামী লীগৰ প্ৰচাৰ আৰু প্ৰকাশন উপ-সমিতিৰ অধ্যক্ষ হিচাপে মনোনীত কৰিছিল।

এই বছৰৰ শেষৰ ফালে বাংলাদেশত সাধাৰণ নিৰ্বাচন অনুষ্ঠিত । সেই অৰ্থত দেশৰ নতুন ৰাষ্ট্ৰপতি মনোনীত কৰাৰ কথাই  তাৎপৰ্য বহন কৰিছে৷  সমীক্ষা অনুসৰি শাসনাধিষ্ঠিত হাছিনা চৰকাৰে পৰৱৰ্তী নিৰ্বাচনত  প্ৰতিষ্ঠানগত বিৰোধিতাৰ সন্মুখীন হ’ব পাৰে৷  বিৰোধীয়ে যোৱা নিৰ্বাচনত আৱামী লীগৰ বিৰুদ্ধে বিভিন্ন অভিযোগ উত্থাপন কৰিছিল। এইবাৰো, তেওঁলোকে 'নিৰপেক্ষ আৰু তত্বাৱধানত চৰকাৰৰ' অধীনত নিৰ্বাচন অনুষ্ঠিত কৰিবলৈ দাবী জনাই আহিছে। বিৰোধী বি এন পিয়ে হাছিনাৰ চৰকাৰে নিৰ্বাচনৰ ছয় মাহ আগতে পদত্যাগ কৰা উচিত বুলি দাবী কৰি আহিছে। এতিয়ালৈকে, হাছিনাই সেই দাবী মানি লোৱাৰ কোনো এংগিত দিয়া নাই৷  বুকিন্তু শেষত, যদি পজত্যাগ কৰে , তেন্তে ৰাষ্ট্ৰপতিৰ ভূমিকা এতিয়াও দেশৰ ৰাজনীতিত আটাইতকৈ গুৰুত্বপূৰ্ণ হৈ পৰিব। এই সন্দৰ্ভত সেয়ে  শ্বাহবুদ্দীনৰ মনোনয়ন 'গুৰুত্বপূৰ্ণ' হিচাবে বিবেচিত হৈছে৷ শ্বাহবুদ্দিনৰ আইন আৰু সংবিধানৰ ক্ষেত্ৰতো বিস্তৃত অভিজ্ঞতা আছে।