ডিজিটেল ডেস্কঃ ১৩ জনকৈ লোকৰ প্ৰাণহানী ঘটোৱা এটা বাঘক মহাৰাষ্ট্ৰ বন বিভাগে আটক কৰিছে। বৃহস্পতিবাৰে ধৰা পেলোৱা বাঘটোক চিটি-ৱান নামেৰে বন বিভাগে নামাকৰণ কৰিছে।
বাঘটোৱে মহাৰাষ্ট্ৰৰ বিদৰ্ভ অঞ্লৰ গাডচিৰলি আৰু চন্দ্ৰপুৰ জিলাত সন্ত্ৰাসৰ সৃষ্টি কৰা বুলি বন বিভাগে জনাইছে। ৱাডছা নামৰ বনাঞ্চল এখনৰ পৰা ওলাই গৈ বাঘটোৱে জিলা দুখনত জনবসতিত উপদ্ৰৱ চলাইছিল। ফলস্বৰূপে অঞ্চলটোৰ মানুহৰ প্ৰতি এক ভয়ানক ভাবুকি হৈ পৰিছিল।
অৱশেষত ৱাডছা বনাঞ্চলৰ পৰা বন বিভাগে এটা অভিযানযোগে বাঘটোক আটক কৰে। আটক কৰি ১৮৩ কিলোমিটাৰ নিলগৰ নাগপুৰস্থিত গৰেৱাড়া বন্যপ্ৰাণী উদ্ধাৰ কেন্দ্ৰলৈ বাঘটোক প্ৰেৰণ কৰা হয়।
সাধাৰণতে বাঘে মানুহক সহজে আক্ৰমণ নকৰে। কিন্তু নিজৰ পোৱালি বচাবলৈ অথবা নিজৰ জীৱন বচাবলৈ বন্যজন্তুটোৱে মানুহক আক্ৰমণ কৰি আহিছে।
Continue Reading
