ডিজিটেল ডেস্কঃ মিশ্যন ছাকচেছফুল! ৪০০ ঘণ্টাৰো অধিক সময় ধৰি চলা অভিযানৰ অন্তত উদ্ধাৰকাৰীসকলে ১২ নৱেম্বৰৰ পৰা উত্তৰকাশী সুৰংগত আবদ্ধ হৈ থকা ৪১জন শ্ৰমিকক উদ্ধাৰ কৰিবলৈ সক্ষম হয়।নিশা প্ৰায় ৮ বজাত প্ৰথমজন শ্ৰমিকক উলিয়াই আনি এম্বুলেন্সত চিকিৎসা কেন্দ্ৰলৈ লৈ যোৱা হয়। প্ৰতিজন শ্ৰমিকক চকা লগোৱা ষ্ট্ৰেচাৰত উলিয়াই আনিবলৈ ৩-৫ মিনিট সময়ৰ প্ৰয়োজন হয়।ইয়াত অসমৰ দুই শ্ৰমিক সঞ্জয় বসুমতাৰী আৰু ৰামপ্ৰসাদ শৰ্মাও আছে৷
চলি থকা উদ্ধাৰ অভিযানৰ অংশ হিচাপে সুৰংগটোৰ ভিতৰত অস্থায়ী চিকিৎসা সুবিধা স্থাপন কৰা হৈছে। শ্ৰমিকসকলক উলিয়াই অনাৰ পাছত এই সুবিধাত স্বাস্থ্য পৰীক্ষা কৰা হ’ব। কোনো সমস্যাৰ সৃষ্টি হ’লে স্বাস্থ্য বিভাগে ৮খন বিচনাৰ ব্যৱস্থা কৰিছে, আৰু তাৎক্ষণিক সহায়ৰ বাবে চিকিৎসক আৰু বিশেষজ্ঞৰ এটা দল নিয়োগ কৰা হৈছে।
Continue Reading
