ডিজিটেল ডেস্কঃ বেছিভাগ মানুহেই ফিট হৈ থাকিবলৈ আৰু যুৱ হৈ থাকিবলৈ যোগাসন কৰে বা সুস্থ জীৱনশৈলী কটায়। কাৰণ বয়স বৃদ্ধিৰ পৰাই বহু সমস্যা আৰম্ভ হয়। হয়তো এই কাৰণেই বহুতে নিজকে সৰু কৰি ৰাখিবলৈ সকলো ধৰণৰ টিপছ গ্ৰহণ কৰে। কিন্তু আমি আপোনালোকক ক’বলৈ ওলোৱা ব্যক্তিজনে নিজকে ডেকা কৰি ৰাখিবলৈ হাজাৰ হাজাৰ লাখ নহয় কোটি কোটি টকা খৰচ কৰে। ৪৫ বছৰীয়া কোটিপতি চফটৱেৰ ব্যৱসায়ীজনে দেখাত ১৮ বছৰীয়া যুৱকৰ দৰে হৈ থাকিব বিচাৰে আৰু ইয়াৰ বাবে তেওঁ কোটি কোটি টকা খৰচ কৰিছে। ব্যক্তিজনৰ নাম ব্রায়ান জনছন।
ডেকা হৈ থাকিবলৈ কেলিফৰ্ণিয়াৰ নিৱাসী ব্রায়ান জনছনে ৩০ জনীয়া চিকিৎসা পেছাদাৰী দলৰ সেৱা লৈছে। এই চিকিৎসা দলটোৰ নেতৃত্ব দিছে চিকিৎসক অলিভাৰ জোলমেনে। ৫ বছৰ ধৰি ব্রায়ান জনছনে ইয়াৰ বাবে খৰচ কৰিছে বছৰি ১৬ কোটি টকা। ব্যৱসায়ীজনে দাবী কৰিছে যে এক চিকিৎসা পৰীক্ষাৰ দ্বাৰা তেওঁ ১৮ বছৰীয়া যুৱকৰ দৰে হাওঁফাওঁ, হৃদযন্ত্ৰ, মগজু আৰু ছাল লাভ কৰিব। ৪৫ বছৰ বয়সতো তেওঁৰ হৃদয়খন এজন সুস্থ ৩৭ বছৰীয়া ব্যক্তিৰ দৰে। কেৱল এয়াই নহয়, জনছনে লগতে কয় যে তেওঁ নিজৰ ছালখন ২৮ বছৰীয়া যুৱকৰ দৰে কৰি তুলিছে। জনছনে ইউটিউবতো নিজৰ এটা ভিডিঅ’ শ্বেয়াৰ কৰিছে।
ব্রায়ান জনছনৰ শৰীৰৰ অংগসমূহৰ বয়স হ্ৰাস কৰাৰ বাবে ব্লুপ্ৰিণ্ট আৰম্ভ কৰা হৈছে। জনছনৰ ৰুটিন অতি কঠোৰ কৰি ৰখা হৈছে। তেওঁ ভেগান ডায়েটত আছে। ভেগান ডায়েট মানে ফল-মূল, শস্য আৰু উদ্ভিদৰ পৰা পোৱা খাদ্য। ইয়াত গাখীৰ আৰু গাখীৰেৰে তৈয়াৰী সামগ্ৰী আৰু কণী অন্তৰ্ভুক্ত নহয়। জনছনে প্ৰজেক্ট ব্লুপ্ৰিণ্টৰ অধীনত প্ৰতিদিনে ১৯৭৭ কেলৰি গ্ৰহণ কৰি আছে।
১ ঘণ্টা ব্যায়াম কৰে আৰু শোৱাৰো এটা নিৰ্দিষ্ট সময় আছে। তেওঁ প্ৰতিদিনে ৰাতিপুৱা ৫:০০ বজাত শোৱাৰ পৰা উঠে।এই কামৰ বাবে কেলিফৰ্ণিয়াৰ ভেনিচত এটা হেল্থকেয়াৰ ছুইট নিৰ্মাণ কৰা হৈছে।জনছনে কয় যে এই সকলোবোৰ কৰি তেওঁ প্ৰমাণ কৰিব বিচাৰে যে শৰীৰৰ ক্ৰমান্বয়ে বয়স বৃদ্ধি হোৱাটোৱেই নিয়ম কিন্তু ইয়াক ওলোটাও কৰিব পাৰি।
Continue Reading
