ডিজিটেল ডেস্কঃ ১৯৮৪ চনৰ শিখ বিৰোধী সংঘৰ্ষৰ গোচৰৰ মূল অভিযুক্ত জ্যেষ্ঠ কংগ্ৰেছ নেতা জগদীশ টাইটলাৰে আগতীয়া জামিন লাভ কৰিবলৈ সক্ষম হৈছে। তেওঁ শনিবাৰে আদালতত হাজিৰ হোৱাৰ কথা আছে। চিবিআইয়ে যোৱা বছৰৰ মে' মাহত তেওঁৰ বিৰুদ্ধে অভিযোগনামা দাখিল কৰিছিল।
জগদীশ টাইটলাৰে আগতীয়া জামিনৰ সুৰক্ষা লাভ কৰাৰ বাবেই তেওঁক কাইলৈ গ্ৰেপ্তাৰ কৰিব নোৱাৰিব। তেওঁক ১ লাখ টকাৰ বণ্ডত জামিন প্ৰদান কৰা হৈছে।তদানীন্তন প্ৰধানমন্ত্ৰী ইন্দিৰা গান্ধীক তেওঁৰ নিজৰেই শিখ দেহৰক্ষীয়ে গুলীয়াই হত্যা কৰাৰ পিছত দিল্লীত শিখ বিৰোধী সংঘৰ্ষ আৰম্ভ হৈছিল।
সংঘৰ্ষত কমেও ৩,০০০ লোকৰ মৃত্যু হৈছিল। অৱশ্যেবিভিন্ন সূত্ৰৰ মতে সমগ্ৰ দেশতে ৮,০০০ ৰো অধিক লোক নিহত হৈছিল। জগদীশ টাইটলাৰক গোচৰটোৰ মূল অভিযুক্ত হিচাপে চিহ্নিত কৰা হৈছে।
টাইটালাৰ ২০০৪ চনত মনমোহন সিং চৰকাৰৰ দিনত মন্ত্ৰী হৈছিল। অৱশ্যে, প্ৰতিবাদৰ সন্মুখীন হোৱাৰ পিছত তেওঁ পদত্যাগ কৰিবলগীয়া হৈছিল।
Continue Reading
