ডিজিটেল ডেস্কঃ কেদাৰনাথলৈ যোৱাৰ পথত শুকুৰবাৰে হোৱা ভূমিস্খলনত কেইবাখনো দোকান ধ্বংসপ্ৰাপ্ত হৈছে। বহু লোক ধ্বংসস্তূপৰ তলত পোত যোৱা বুলি আশংকা কৰা হৈছে। ভূমিস্খলনৰ ঘটনাটো উত্তৰাখণ্ডৰ ৰুদ্ৰপ্ৰয়াগ জিলাৰ গৌৰীকুণ্ডৰ ওচৰত সংঘটিত হৈছে ।
ৰাজ্যিক দুৰ্যোগ সঁহাৰি বাহিনীৰ (এছডিআৰএফ) এটা দলে ইতিমধ্যে উদ্ধাৰ অভিযান আৰম্ভ কৰিছে। স্থানীয় সূত্ৰই প্ৰকাশ কৰা অনুসৰি বৃহস্পতিবাৰে নিশাৰে পৰা গৌৰীকুণ্ড পোষ্ট ব্ৰীজৰ ওচৰত ধাৰাসাৰ বৰষুণৰ ফলত ভূমিস্খলন আৰম্ভ হয়। ভূমিস্খলনত কেইবাখনো দোকান ক্ষতিগ্ৰস্ত হোৱাৰ ফলত দোকানবোৰৰ মালিক আৰু কৰ্মচাৰীসকলো পোত যোৱা বুলি আশংকা কৰা হৈছে। স্থানীয় লোকৰ মতে ভূমিস্খলনৰ পিছৰে পৰা ১৯ জন লোক সন্ধানহীন হৈ আছে।
এছডিআৰএফৰ বিষয়া দলীপ সিং ৰাজৱাৰে কয় যে ভূমিস্খলনৰ ফলত কমেও ১০ ৰ পৰা ১২ জন লোক সমাধিস্থ হোৱাৰ আশংকা কৰা হৈছে। "ধাৰাসাৰ বৰষুণৰ ফলত ভূমিস্খলনৰ ফলত তিনিখন দোকান ক্ষতিগ্ৰস্ত হোৱাৰ তথ্য আমি পাইছিলো। উদ্ধাৰ অভিযান তৎক্ষণাৎ আৰম্ভ কৰা হৈছে। দোকানবোৰত কমেও ১০-১২ জন লোক আছিল। এতিয়ালৈকে তেওঁলোকৰ কোনো সন্ধান পোৱা হোৱা নাই। ''
আনহাতে, যোশীমঠৰ পিছত এইবাৰ ডেৰাডুনত আতংক বিয়পি পৰিছে। ডেৰাডুন জিলাৰ কালচি খণ্ডৰ খামৰোলী আৰু কাষৰীয়া অঞ্চলত দুই ডজনতকৈও অধিক ঘৰত ফাট মেলা দেখা গৈছে। কেইবাটাও ঘৰ খহি পৰিছে।পাজিতিলানি, টিপাউ আৰু চাহাইয়া-পাটনৰ দৰে ঠাইতো পথত ডাঙৰ ফাট মেলা দেখা গৈছে।
Continue Reading
