ডিজিটেল ডেস্ক
ৰাষ্ট্ৰপতি ভ্লাদিমিৰ পুটিনে সংৰক্ষিত বাহিনীক মাতি অনাৰ পিছত ৰাছিয়াৰ সামৰিক বাহিনীত ২,০০,০০০ ৰো অধিক লোকক নিযুক্তি দিয়া হৈছে। ৰাছিয়াৰ প্ৰতিৰক্ষা মন্ত্ৰী ছেৰ্গেই শোইগুৱে মঙলবাৰে এইকথা কৈছিল।
"আজিলৈকে ২,০০,০০০ তকৈও অধিক লোকে সেনাবাহিনীত যোগদান কৰিছে," শ্বইগুৱে টেলিভিছনত এক অনুষ্ঠানত কয়। '
যোৱা মাহত, ইউক্ৰেইনৰ বাহিনীয়ে তেওঁলোকৰ প্ৰতি-আক্ৰমণ তীব্ৰ কৰাৰ পিছত ৰাছিয়াৰ বাহিনী পিছুৱাই যাবলৈ বাধ্য হৈছিল। প্ৰায় ছয় মাহ ধৰি চলি থকা যুদ্ধত মস্কোযথেষ্ট ক্ষতিগ্ৰস্ত হৈছে। ২১ ছেপ্টেম্বৰত, পুটিনে ইউক্ৰেইনৰ বিৰুদ্ধে আক্ৰমণ তীব্ৰতৰ কৰিবলৈ সংৰক্ষিত বাহিনীক মাতি পঠিয়াইছিল। অনুমান কৰা হৈছে যে তেওঁৰ ঘোষণাৰ পৰিপ্ৰেক্ষিতত, প্ৰায় ৩০০০০০অসামৰিক লোকে ৰাছিয়াৰ সেনাত যোগদান কৰিব।
শোইগুৱে কৈছিল যিসকলক নিয়োগ কৰা হৈছে তেওঁলোকক ছয়টা প্ৰশিক্ষণ কেন্দ্ৰ আৰু ৮০ টা স্থানত প্ৰশিক্ষণ দিয়া হৈছে। সেনা আৰু নৌসেনাই তেওঁলোকক দ্ৰুত যুঁজৰ বাবে উপযুক্ত কৰি তুলিবলৈ কাম কৰি আছে। প্ৰশিক্ষণ শেষ হোৱাৰ পিছতহে তেওঁলোকক যুদ্ধক্ষেত্ৰলৈ প্ৰেৰণ কৰা হ'ব।
Continue Reading
