ডিজিটেল ডেস্ক: তালিবান শাসিত আফগানিস্তানত অব্যাহত আছে সন্ত্ৰাসজৰ্জৰ পৰিস্থিতি। দেশখনৰ মূল সন্ত্ৰাসবাদী গোট তালিবানে যোৱা ২০২০ চনত আফগানিস্তানৰ ক্ষমতা দখল কৰিলেও আন ইছলামিক উগ্ৰপন্থী গোটসমূহে অব্যাহত ৰাখিছে সন্ত্ৰাসবাদী কাৰ্যকলাপ। বিশেষকৈ তালিবানৰ সৈতে বিৰুদ্ধাত্মক স্থিতিত থকা এই গোটসমূহে ধাৰাবাহিকভাৱে দেশখনত বোমা বিস্ফোৰণৰ ঘটনা সংঘটিত কৰি আহিছে।
এই কট্টৰ ইছলামিক সন্ত্ৰাসবাদী গোটসমূহৰ এনে কাৰ্যকলাপৰ মাজতে দেশখনত আজি পুনৰ এক ভয়াৱহ বিস্ফোৰণে জোকাৰি যায়। আজি দেশখনৰ গৃহ মন্ত্ৰালয়ৰ কাৰ্যালয়ৰ কাষতে থকা এটা মছজিদত সংঘটিত বোমা বিস্ফোৰণে চাঞ্চল্যৰ সৃষ্টি কৰিছে।
তালিবানৰ মুখপাত্ৰ আব্দুল নাফাই টাকোৰে এই বিস্ফোৰণৰ বিষয়ে সদৰী কৰিছে আৰু বিস্ফোৰণ সন্দৰ্ভত তদন্ত চলাই থকা হৈছে বুলি উল্লেখ কৰিছে। দেশখনৰ স্থানীয় সংবাদ মাধ্যমত প্ৰকাশিত খবৰ অনুসৰি এই ভয়াৱহ বিস্ফোৰণত দুগৰাকী লোক নিহত হোৱাৰ বিপৰীতে ২০ জনৰো অধিক লোক আহত হয়।
উল্লেখ্য যে চলিত সপ্তাহত এয়া কাবুলত দ্বিতীয়টো বিস্ফোৰণৰ ঘটনা। সোমবাৰে কাবুলৰ এটা শিক্ষা কেন্দ্ৰত সংঘটিত বোমা বিস্ফোৰণত ৫০ জনৰো অধিক লোক নিহত হৈছিল।
Continue Reading
