ডিজিটেল ডেস্কঃ মনোজ বাজপেয়ীয়ে বহু গুৰুত্বপূৰ্ণ চৰিত্ৰত অভিনয় কৰিছে। কেতিয়াবা ‘গেংছ অৱ ৱাছেইপুৰ’ৰ চৰ্দাৰ খান, কেতিয়াবা ‘ফেমিলি মেন’ৰ শ্ৰীকান্ত তিৱাৰী। তেওঁৰ অভিনয়ত দৰ্শক বাৰে বাৰে আপ্লুত হৈ আহিছে। কিন্তু, কেৰিয়াৰৰ আৰম্ভণি কেনেকুৱা আছিল? শেহতীয়াকৈ সংবাদ মাধ্যমক দিয়া এক সাক্ষাৎকাৰত সেই বিষয়ে মুখ মেলিছিল মনোজে।
মঞ্চৰ পৰাই তেওঁ অভিনয় যাত্ৰা আৰম্ভ কৰিছিল। অভিনেতাজনে প্ৰথমখন ছবিৰ বাবে কিমান দৰমহা পাইছিল সেই কথাও কয়। মনোজে কয়, “যেতিয়া মই থিয়েটাৰ কৰিছিলো, তেতিয়া প্ৰথমখন ছবি ‘বেণ্ডিট কুইন’ৰ বাবে মতা হৈছিল। সেই ছবিখনৰ বাবে মোক ৩৫ হাজাৰৰ পৰা ৫০ হাজাৰ টকাৰ ভিতৰত দৰমহা দিয়া হৈছিল।''
আন এখন ছবিৰ সন্দৰ্ভত মনোজে কয়, "যেতিয়া মই পৰিচালকক 'দ্ৰোহকাল' ছবিত কাম কৰিবলৈ অনুৰোধ কৰিছিলো, তেতিয়া সকলো ডাঙৰ ডাঙৰ চৰিত্ৰ লোৱা হৈছিল। মই এটা সৰু চৰিত্ৰ ৰূপায়ন কৰো। সেই চৰিত্ৰত মই ২০০০ টকা পাইছিলোঁ।”
ইয়াৰ পিছত আহিল ‘সত্য’ ছবিখনৰ আহ্বান। তেওঁ ‘বিকু মাথেৰে’ নামৰ এটা চৰিত্ৰত অভিনয় কৰিছিল। পৰিচালক ৰাম গোপাল বৰ্মাই পূৰ্বৰ দুখন ছবিত তেওঁৰ অভিনয় দেখি ‘সত্য’ ছবিত তেওঁক এই চৰিত্ৰৰ বাবে মাতিছিল।
Continue Reading
