ডিজিটেল ডেস্কঃ আইনী মেৰপাকত সোমাব নেকি বুকাৰজয়ী লেখিকা অৰুন্ধতী ৰয়? দিল্লীৰ লেফটেনেণ্ট গৱৰ্ণৰ ভি কে ছাক্সেনাই মঙলবাৰে লেখিকা অৰুন্ধতী ৰয় আৰু কাশ্মীৰ বিশ্ববিদ্যালয়ৰ প্ৰাক্তন অধ্যাপক শ্বেইখ শ্বোকাট হুছেইনক ২০১০ চনৰ এটা গোচৰত তেওঁলোকৰ কথিত উত্তেজক ভাষণক লৈ গোচৰ আৰম্ভ কৰাত অনুমোদন জনায়। ২০১০ চনত দিল্লীত অনুষ্ঠিত আলোচনা চক্ৰৰ সময়ত দুয়োগৰাকীয়ে ভাৰত বিৰোধী মন্তব্য কৰাৰ অভিযোগ উত্থাপন হৈছিল।
‘আজাদী: একমাত্ৰ পথ’ শীৰ্ষক অধিৱেশনত দিয়া ভাষণক লৈ সুশীল পণ্ডিত আৰু ‘Roots In Kashmir’ নামৰ কাশ্মীৰী পণ্ডিত সংগঠন এটাই তেওঁলোকৰ বিৰুদ্ধে এজাহাৰ দাখিল কৰে।সুশীল পণ্ডিতে অভিযোগ কৰিছিল যে অধিৱেশনৰ সময়ত আলোচনা আৰু প্ৰচাৰিত বিষয়টো হৈছে "কাশ্মীৰক ভাৰতৰ পৰা পৃথক কৰা"। ইয়াৰ উপৰিও অভিযোগ উত্থাপন কৰা হৈছিল যে ভাষণসমূহ উত্তেজক প্ৰকৃতিৰ আছিল, যাৰ ফলত জনসাধাৰণৰ শান্তি আৰু নিৰাপত্তা বিপন্ন হৈছে।
দিল্লী এল-জিয়ে উল্লেখ কৰে যে অৰুন্ধতী ৰয় আৰু শ্বেখ শ্বোকাট হুছেইনৰ বিৰুদ্ধে ১৫৩এ (বিভিন্ন গোটৰ মাজত শত্ৰুতাক প্ৰসাৰ কৰা), ১৫৩বি (ৰাষ্ট্ৰীয়-সংহতিৰ প্ৰতি ক্ষতিকাৰক দাবী, অভিযোগ) আৰু ৫০৫ (জনসাধাৰণৰ আগত যোৱা বক্তব্য)ৰ অধীনত অপৰাধ সংঘটিত কৰাৰ বাবে গোচৰ ৰুজু হৈছে৷
কিন্তু দেশদ্ৰোহৰ গোচৰ ৰুজু হোৱাৰ পাছতো এল-জিয়ে আই পি চিৰ ধাৰা ১২৪এ (দেশদ্ৰোহ)ৰ অধীনত তেওঁলোকৰ বিচাৰত অনুমোদন নিদিলে কাৰণ ২০২২ চনৰ মে’ মাহত উচ্চতম ন্যায়ালয়ে দেশদ্ৰোহৰ অভিযোগৰ অধীনত বাকী থকা সকলো বিচাৰ আৰু কাৰ্যবিধি স্থগিত ৰখাৰ নিৰ্দেশ দিছিল।
এই গোচৰত আন দুজন অভিযুক্ত -- কাশ্মীৰীৰ বিচ্ছিন্নতাবাদী নেতা ছায়েদ আলী শ্বাহ গীলানী আৰু দিল্লী বিশ্ববিদ্যালয়ৰ এজন প্ৰবক্তা চৈয়দ আব্দুল ৰহমান গীলানী, যিজনক কাৰিকৰী ভিত্তিত সংসদ আক্ৰমণৰ গোচৰত উচ্চতম ন্যায়ালয়ে দোষমুক্ত কৰা হৈছিল,গীলানীৰ গোচৰৰ বিচাৰ চলি থকাৰ সময়তে মৃত্যু হয়।
Continue Reading
