ডিজিটেল ডেস্কঃ জি-২০ নেতা সন্মিলনলৈ মাত্ৰ কেইদিনমান বাকী থকাৰ সময়তে ভাৰতৰ প্ৰধানমন্ত্ৰী নৰেন্দ্ৰ মোদীয়ে কৈছে যে ২০৪৭ চনৰ ভিতৰত ভাৰত উন্নত ৰাষ্ট্ৰ হ’ব। সেই সময়ত ভাৰতত কোনো দুৰ্নীতি আৰু সাম্প্ৰদায়িকতা নাথাকিব বুলিও মোদীয়ে কয়। উল্লেখ্য ভাৰতে জি ২০ৰ দৰে বৃহৎ আন্তঃৰাষ্ট্ৰীয় অনুষ্ঠানৰ আয়োজনৰ সম্পূৰ্ণ প্ৰস্তুতি চলাইছে।
জি-২০ সন্মিলনৰ পূৰ্বে প্ৰধানমন্ত্ৰী নৰেন্দ্ৰ মোদীয়ে কাশ্মীৰ আৰু অৰুণাচল প্ৰদেশত জি-২০ অনুষ্ঠান আয়োজনৰ ক্ষেত্ৰত চীনৰ আপত্তি নাকচ কৰে।এক সাক্ষাৎকাৰত প্ৰধানমন্ত্ৰী মোদীয়ে কয় যে ভাৰতে ইয়াৰ ভূখণ্ডৰ প্ৰতিটো অংশত জি-২০ অনুষ্ঠান অনুষ্ঠিত কৰিব পাৰে। মন্তব্য চীন আৰু পাকিস্তানে কাশ্মীৰত জি-২০ অনুষ্ঠান পতাৰ বিৰোধিতা কৰাৰ পিছতে মোদীয়ে এনেদৰে কয়।
লক্ষণীয়ভাৱে, পাকিস্তান জি-২০ গোটৰ সদস্য নহয়, কিন্তু দেশ খনৰ আপত্তি দৰ্শোৱাৰ বিষয়ত চীনেও সমৰ্থন কৰিছে। ২০২৩ চনৰ মে’ মাহত ভাৰতে শ্ৰীনগৰত তৃতীয় জি-২০ কাৰ্যকৰী গোটৰ বৈঠক আয়োজন কৰিছিল। বৈঠকত চীনৰ বাহিৰে সকলো জি-২০ দেশৰ প্ৰতিনিধি উপস্থিত আছিল।
মাৰ্চ মাহত বৃহৎ সংখ্যক জি-২০ প্ৰতিনিধিয়ে অৰুণাচল প্ৰদেশ ভ্ৰমণ কৰিছিল। প্ৰধানমন্ত্ৰী মোদীয়ে দৃঢ়তাৰে কয় যে বিশ্বৰ মঞ্চত ভাৰতৰ সাংস্কৃতিক আৰু আঞ্চলিক বৈচিত্ৰ্য প্ৰদৰ্শন ৰখাৰ বাবে ভাৰতৰ বিভিন্ন প্ৰান্তত জি-২০ অনুষ্ঠান অনুষ্ঠিত কৰিব পাৰে। প্ৰধানমন্ত্ৰী মোদীয়ে কয় যে ভাৰতৰ জি-২০ প্ৰেচিডেন্সিৰ সময়ত ভাৰতে ২৮ খন ৰাজ্য আৰু ৮খন কেন্দ্ৰীয় শাসিত অঞ্চলৰ ৬০ খন চহৰত ২২০ খনতকৈও অধিক বৈঠক আয়োজন কৰিব। তেওঁ লগতে কয় যে এই সকলো জি-২০ বৈঠকত ১ লাখতকৈও অধিক অংশগ্ৰহণকাৰীয়ে অংশগ্ৰহণ কৰিব।
Continue Reading
