ডিজিটেল ডেস্কঃ এগৰাকী
ভাৰতীয় মূলৰ নাৰ্ছৰ সন্ধান দিলে অষ্ট্ৰেলিয়াৰ আৰক্ষীয়ে প্ৰদান কৰিব অভিলেখসংখ্যক
এক মিলিয়ন ডলাৰৰ পুৰস্কাৰ। দেশখনৰ কুইন্চলেণ্ড আৰক্ষীয়ে এই কথা জনাইছে। নাৰ্ছগৰাকীৰ
নাম হৈছে ৰাজৱিন্দৰ সিং (৩৮)।
ৰাজৱিন্দৰে অষ্ট্ৰেলিয়াত
এগৰাকী নাৰ্ছ হিচাপে কৰ্মৰত আছিল। নাৰ্ছ হিচাপে কৰ্মৰত থাকোতেই ২০১৮ চনত এগৰাকী
অষ্ট্ৰেলিয়ান মহিলাক হত্যা কৰাৰ অভিযোগ উত্থাপিত হৈছে। হত্যাকাণ্ডটো সংঘটিত কৰাৰ
পাছতে তেওঁ অষ্ট্ৰেলিয়া এৰি ভাৰতলৈ পলায়ন কৰে।
ৰাজৱিন্দৰে হত্যা কৰা
মহিলাগৰাকীৰ নাম তয়াহ কৰ্ডিংলে’ (২৪) বুলি আৰক্ষীয়ে প্ৰকাশ কৰিছে। ২০১৮ চনত তেওঁ
কেয়াৰ্ণছ চহৰৰ সমীপত হত্যা কৰা হয়।
হত্যা কৰাৰ দুদিন পাছতে
ৰাজৱিন্দৰে অষ্ট্ৰেলিয়া এৰি ভাৰতলৈ পলায়ন কৰে। এতিয়া নাৰ্চগৰাকীৰ শুংসূত্ৰ বিচাৰি
অষ্ট্ৰেলিয়াৰ আৰক্ষীয়ে ১ মিলিয়ন অষ্ট্ৰেলিান ডলাৰৰ পুৰষ্কাৰ ঘোষণা কৰিছে।
অষ্ট্ৰেলিয়াৰ আৰক্ষীয়ে প্ৰকাশ কৰামতে,
ৰাজৱিন্দৰে ভাৰতলৈ পলায়ন কৰাৰ তথ্যৰ ক্ষেত্ৰত তেওঁলোক নিশ্চিত হৈছে।
